علق الإعلامي عمرو أديب علي الأزمة الاقتصادية في مصر بسبب الإجراءات المتخذة من قبل الحكومة لمواجهة فيروس كورونا، وقال خلال تقديمه برنامج الحكاية علي قناة إم بي سي مصر: "أقول لكل الناس اللي شايفيني - أغنياء وفقراء - خدوا بالكم لسة المصايب جاية قدام، وأنا بقول للناس الحقيقة الشهرين اللي فاتوا مصر واجهت أزمة اقتصادية وتواجه انخفاض في الدخل وفي الاحتياطي وعايزين نقف علي رجلينا ونكمل".
وتابع: "وزيرة الصحة بتطوف علي 35 مستشفي لتجهيزها ودي مصاريف كبيرة، فيه تفكير كمان مش هنوقف مستشفيات البلد كلها في ناس عندها قلب ومش هينفع نصيب المستشفيات بالشلل، وبالتالي بتصرف من لحمها الحي لشيء مفاجيء زي كورونا".
وأضاف في حديثه عن العالقين المصريين في دول العالم: "فيه ناس معاهم فلوس من وهي نازلة من دول العالم إلي مصر إنما فيه حالة تانية ناس مش معاها فلوس وبتقول أنتوا مش شايفينا والبلد مش حاسة بينا وقلت لحمنا ولازم الناس نرجعها والدولة قالت هاتهم كلهم وإحنا نشيل والكلام في الاول رجعونا ولما رجعوا في مصر بعد أول دفعة واتنين نشوف فيديوهات وتروح للجزيرة إيه المكان المقرف اللي منزلنا فيه ده أنت شايفين التناقض".
تابعوا آخر أهل مصر على Google News
