بسمة وهبة تثير الجدل بسبب الشهيد أحمد المنسي.. الجمهور: "لا يكون اتدفن وهو عايش"

نشرت الإعلامية بسمة وهبة عبر حسابها بموقع الصور والفيديوهات "إنستجرام" صورة لها برفقة المستشار رأفت بلط صديق الشهيد أحمد المنسي، مشيرة إلى أنها تكشف سر للمرة الأولى من داخل مقبرة المنسي، مما أثار الجدل لدى الجمهور ومتابعيها.

بسمة وهبة تتحدث عن أحمد المنسي

وكتبت بسمة وهبة: "المستشار رأفت بلط صديق أحمد المنسي بيحكى عن لحظة دفن الشهيد أحمد المنسي بيقول بالرغم من مرور ٣٦ ساعة بعد استشهاد منسى الا أن الجرح الوحيد اللي اسفل راسه كان بينزف لحد نزوله القبر منسي كان شكله نايم مرتاح وكأنه حي مش شكل حد مات وجسمه متيبس زى ما بنشوف جثث التكفيريين اللي جسمهم بيبقي ناشف وخالي من الدم لحظة دفنه ووضعه علي جنبه اليمين بجانب والده ايده الشمال اتحركت حركة كامله وحطها علي والده كأنه بيحضنه لدرجة ان اللي بيدفنه انهار ربنا يرحمك يا منسي انت وكل شهدائنا شهداء الحق".

وبسبب منشور بسمة وهبة عن الشهيد أحمد المنسي، كتب متابعيها: "الله يرحمه بس ازاي ممكن حد ميت ايده تتحرك"، "انا حبيته اكتر لما تابعت مسلسل الاختيار لدرجة اتمنيت يبقى عايش دلوقتي وف وسطنا حقيقي مفيش زيه الله يرحمه ويغفر له ويسكنه فسيح جناته منسي انت ساكن في قلوبنا"، "ليكون دفنوه وهوا لسه عايش".