مصطفى خاطر عن نشر الشائعات: بلاش فضايح

أعرب الفنان مصطفى خاطر، عن غضبه الشديد من الشائعات والاقاويل المتضاربة التى ليس لها أي أساس من الصحة وتنتشر بسرعة البرق على حياة الأشخاص، وتدخل بعضهم فى شئون الآخرين.

وعلق خاطر، عبر حسابه الشخصي موقع فيس بوك :"كفايه كلام علي الناس وكفايه نتدخل في حياة الناس الشخصيه ونحشر نفسنا فيها مش ممكن ارائكم العظيمه الي كل شويه نشوفها كفايه فتي بقا".

وأضاف:"وعهد الله محد فاهم حاجه اصلا، كفايه نصايح عظيمه ياسيدي خليها لنفسك كفايه احكام وانت اصلا متعرفش القضيه كفايه تنشر فضايح الناس وتتريق عليها دحنا ماشيين بالستر كفايه ادعاء فضيله".

وتابع :"كلنا اخطاء كفايه نقد في الناس وكفايه فلسفه كفايه كلام في السياسه وانت والله مفاهم حاجه كفايه شتايم في بعض علشان وجهات نظر كلها غلط".

واختتم خاطر حديثه قائلا:" أقسم بالله الواحد معارف الاخبار الصح من كتر الاخبار المتفبركه كله دخل في بعضه وبقينا تايههين في كم عظيم من الاشاعات والاكاذيب والهري والهبد".