قام محمود فايز مساعد الأرجنتيني هيكتور كوبر المدير الفني للمنتخب الوطني، بتقديم التهنئة إلى سارة سمير بطلة مصر الحاصلة على أول ميدالية برونزية مصرية في أوليمبياد ريودي جانبيرو.
وكتب فايز عبر صفحته الشخصية على موقع التواصل الإجتماعي "الفيس بوك،" سارة سمير عمرها 18 وانه لامر لو تعلمون عظيم... يعني بشوية رعايو وشوية اهتمام تجبلنا على الأقل عشر ميداليات في الكام اوليمبيات اللي جايه...!!!، وعلي الصبر والتحمل والتضحيه بصوا لوشها وهتعرفوا ان عندها عزيمة واصرار تهد جبال".
وتابع فايز عبر صفحته: "ملامحها تحمل حزن دفين معرفش ده من الشقا والا التمرين والا التعب والا ايه بالظبط، بس اللي نعرفه ومتأكدين منه انها بطله مصريه.".
وأضاف: "سألوها نفسك في ايه بعد الميدالية؟ قالت بالنص: "كل اللي انا عاوزاه يراعوني في موضوع الامتحان اللي ناقصني بتاع الثانويه العامة قالوا لي مينفعش.. لو سافرتي مش هتمتحني، وتسافر تمثل مصر في اكبر معترك رياضي عالمي.. فحبوا يكافأوها بمنعها من الامتحان"
واختتم كتابته " مبروك يا بنتي تحديكي للجميع واصرارك علي الحلم واللي زيك هم اللي كل يوم بيدونا الامل والاصرار"
تابعوا آخر أهل مصر على Google News
