استولى أحد الأشخاص اليوم على الحساب الشخصي للفنان شريف منير، على موقع تبادل الصور والفيديوهات الشهير إنستجرام، ووجه منير رسالة إلى المستولى على حسابه.
ومن خلال حسابه الشخصي على موقع التواصل الاجتماعي فيسبوك، نشر شريف منير، مقطع فيديو عبر حسابه الشخصي على موقع فيسبوك، وعلق على الفيديو، قائلًا: رسالة للحرامي.. الكدر كدا مظبوط والعلم منور أهو، العلم اللي تاعب الناس، العلم دا هيفضل ملازمني طول الوقتي، هيفضل معايا لحد ما اتلف بيه وانزل بيه القبر، فمتتعبوش نفسكو بيه، تريقة بقا فين العلم، نسيت يا شريف العلم، وهكذا".
وتابع قائلا:" العلم دا في بيتي، وأقول فيه واعمل اللي أنا عايزه، إنما بقى فيه حرامية دخلوا البيت دا وسرقوا منه، هو مش البيت دا بالظبط، ولكن دخلوا على صفحتي على الانستجرام وشالو صورتي وأنا شايل علم مصر اللي تاعبهم وبيتريقوا عليه، شالو صورتي وأنا شايل التي شيرت وبهني محمد صلاح بعيد ميلاده، شالو صورة بناتي اللي عملت المشكلة الكبيرة، وبشكر كل الناس اللي دعمتني في الوطن العربي والعالم".
وواصل : "قليل الأدب هيتجازى، وقلالة الأدب دول من نوع تاني، دول سرقوا صوري من على صفحتي، أو اللي مش عجباهم، اللي هي فيديوهات لتدعيم الجيش المصري، فيديوهات في حب مصر، فيديوهاتي أنا وبناتي وأنا في المطبخ، وصوري أنا وبناتي وبعض صوري اللي كنت فيها لوحدي، شالوا الصور اللي مش عجباهم، وسابولي اللي على مزاجهم، أنا مش على مزاجهم، بوجه بلاغ للنائب العام، ولمباحث الإنترنت، خليكو حواليا، عشان فيه ناس حرامية بتسرقني وفيه ناس بتهاجم الصفحة وبتقول كلام في منتهى السفالة والقذارة، بس أنا مبستسلمش ومبخافش".
وأنهى منير حديثه: "أنا موجود، والعلم دا هيفضل موجود في أي حتة، اللي مش عاجبه أخرج برا صفحتي، أنا مش لوحدي، أنا داعمني ناس من مصر والوطن العربي ومن العالم كله، الحمد لله على نعمته، أنا مبخافش، ومبكلش وبستمر وهفضل على موقفي".
تابعوا آخر أهل مصر على Google News
