أنا عملية ومش بعمل حاجة عيب.. بهذه الجملة بررت مها أسامة (32 عامًا)، شجاعتها في عرض نفسها للزواج على موقع التواصل الإجتماعي "فيسبوك". فليس من السهل أن تخرج فتاة أمام الملايين لتعرض نفسها للزواج.
لماذا تعرض فتاة نفسها للزواج على الفيسبوك؟
في هذه الحالة قد تكون مها أسامة تعرضت للكثير من خيبات الأمل أو ضغط من المجتمع والأسرة والمحاطين بها كي تتزوج تحت المقولة الشهيرة "قطر الجواز هيفوتك"، وهذا يحدث بالفعل منذ أن تبلغ الفتاة 20 عامًا وتبدأ جملة "عايزين نفرح بيكي" تلاحقها وكأن زواج الفتاة هو الذي سيجعل العالم وردي اللون. وقد تكون هناك أسرار أخرى خاصة بهذه الفتاة كانت سببًا في هذا الطلب الجريء.
مها أسامة تعرض نفسها للزواج على النت
فوجئ متابعي وأصدقاء مها أسامة عبر حسابها على "فيسبوك"، بخروجها في فيديو قالت به: "أنا أسمي مها أسامة عندي 32 سنة وعارضة نفسي للجواز على فيسبوك وعارفة إن ده قرار مش سهل وهيجبلي مشاكل كتير بس أنا قد القرار ده ودرسته كويس أوي واتحمل الحلو بتاعه والوحش بتاعه، والوحش هتحمله الأول".
وبدأت مها بالكشف عن مواصفات الشخص التي تريد أن تتزوج منه وقالت: "أنا مش عايزة حاجات كتير في الشخص اللي هيرتبط بيا غير إنه يكون جد وفعلًا عايز يتجوز ومحترم. وأنا كان ممكن أعمل زي البنات اللي على التيك توك اللي هي بتلبس لبس مش محترم وبتعمل حركات مش محترمة بس أنا أعلى من كده بكتير وعشان كده أنا بعرض نفسي للجواز على الفيسبوك واللي شايف نفسه جد ومش هيهزر عليا ويقلش وياخد سكرين شوتات ويبعتها لأصحابه ويشيرها على الفيسبوك يبعتلي".
الزواج عبر الانترنت
واختتمت مها أسامة عرضها لنفسها للزواج وقالت: "أنا مش هتكلم عن نفسي كتير ولا هقول تفاصيل عن نفسي كتير، بس اللي مهتم يعرف تفاصيل كتير عني هيعرف يوصلي ازاي".
دعم قرار فتاة تعرض نفسها للزواج على فيسبوك
حصلت مها أسامة على الكثير من الدعم بعد هذا الفيديو، فكان من ضمن التعليقات من أحد الشباب: "والله انتي جدعه... الاول كنت مستغرب وبيني وبين نفسي كنت عايز اسف الصراحة وباعتذر عن ده.. بس لما فكرت ثانيتين زياده قولت ايه المشكله في كلامك... طيب كل البنات بتعرض نفسها للجواز بس من غير ما تعلن... بالعكس بيحوروا ويلفوا ويدوروا وينزلوا في صور ومنهم اللي بيعمل زي ما بتقولي علي التيك توك... علي الاقل انتي حافظتي علي شكلك وهيبتك... وفلترتي اللي هايتقدملك اتوماتيك... لان اللي هايتقبل كلامك ده هايبقي الصراحة دماغه عاليه ومتكلفه اوي... انتي فعلا معملتش اي حاجه غريبه... بجد احييكي علي صراحتك وربنا يكون في عونك من الاشكال اللي هايفهموكي غلط وهايضايقوكي".
فيما كتبت إحدى متابعيها: " جامد ده بس متقنعينيش ان واحده زيك معندهاش رجاله هيموتوا عليها يمكن مش عاجبينك اتمنى الطريقه دي توصلك باللي تتمنيه"، ودعى لها آخر: "ربنا يرزقك يا مها بالانسان المناسب ليكي قريب ..انت تستاهلي كل خير"، لتقوم مها بشكرهم على هذا الدعم الذي وصل أيضًا من أشخاص أرسلوا لها رسائل يشجعونها على ما فعتله.
تابعوا آخر أهل مصر على Google News
