خلال كلمته بمؤتمر "رؤية مصر 2030" بمسرح الجلاء اليوم الأربعاء، قال الرئيس عبد الفتاح السيسي إن كل من يقدم على شقة وتنطبق عليه الشروط هياخدها، مازحا: "الشقق هتكون بالشكل اللي شوفتوه عند السجادة الحمراء.. فاكرين"، مضيفا أن الـ100 ألف شقة تتكلف 16 مليار ونصف مليار جنيه.
العدالة الاجتماعية
وأكد " السيسى" أن أكتر من 50% من مساحة مصر عشوائيات، قائلا "بنتكلم على العدالة الاجتماعية.. والناس مرمية ومصورنهم فى التليفزيون ويقولك فين الحكومة والدولة! وبيعيرونا بفقرنا بس أنا مش هسكت"، مضيفا لو إحنا مصريين بجد منمنش إلا لما نبنيها.. ولما حد يوجعنى ببقى مش عايز أرد عليه".
وتابع: "المناطق العشوائية عندنا 4500 قرية فى مصر ولو مخدناش بالنا وتصدينا للمشكلة مظبوط هيبقى بعد 15 سنة فيه 35 ألف قرية عشوائية، وكل الظهير الصحراوي بتاع الصعيد النهاردة يُدرس لإطلاق مساكن فيه علشان نوفر للناس مساكن واللي هتكمل على الأراضي الزراعية".
خدمة الدين
وفي سياق متصل أوضح رئيس الجمهورية أن هناك 250 مليار جنيه خدمة الدين، قائلا: "أي أن سلف الدولة حتى عام 2011 كان حوالي 1000 مليار، وخلال الأربع سنوات الماضية أصبح 2000 مليار والرقم الحقيقي أكثر بكثير، مضيفا "لما الناس التقت بيا في الحملة قولت الكلام ده أحسن حد يتصور إنى بقول كده علشان موقع الرئاسة، أنا بقوله للناس علشان تبقى عارفة".
كما وجه "السيسي" رسالة للمصريين قائلا: "أنتو هتعرفوا أكتر منى.. الحكومة دى كويسة ولا لأ.. وأنا بقعد معاهم كل يوم.. وأنا مش بدافع عن حد.. وهو مسئول الحكومة بياخد أيه علشان يستحملك وتضرب فيه ليل ونهار وفى الجرائد وغيره".
وأضاف السيسى "لو فى حاجة عايزة تتعدل هنعدلها وأرجو إننا نوفر مناخ جيد وحافظوا عليه وشجعوه"، مؤكدا وجود الكثير من التحديات، مطالبا بضرورة تناول أداء الحكومة بشكل موضوعى وعلى أسس سليمة".
وعن علاقاتنا مع الدول الأخري قال "السيسي" إننا استطعنا أن نحسن موقفنا مع الدول، فهناك الكثير من الدول تسمع هل القضية محاولة تغيير حكم بالقوة ولا إرادة شعب.. أرادوا التغيير، قائلا: "افتكر إن الأمر بقى واضح مفقدناش علاقة مع حد على كافة الأصعدة آسيا وأفريقيا والصين وروسيا وكوريا".
وعن البرلمان تساءل "السيسي" ياترى البرلمان دلوقتى حد تدخل فيه أثناء الانتخابات لنأتي بشخص معين، البرلمان جاء بإرادة الناس، 50% من النواب لأول مرة أعضاء فى البرلمان المصرى، مما يؤكد عدم وجود تزوير فى الانتخابات، وثلث البرلمان من الشباب وهذا إيجابى، والنساء عظيمات مصر بالبرلمان، فتمثيل النساء فى البرلمان المصرى جيد مقارنة ببرلمانات العالم.
مش مرتاح
قال السيىسي: "أنا مش مرتاح إننا مش شايفيين كل ده"، مضيفا: "ساعات بنجيب لكم بعض البرلمانات مش عايزيين نقول أسماءها بيضربوا بعض فى الجلسة، وأنتوا قاعدين ليه مش قادرين تحسوا إنكوا عملتوا حاجة حلوة خلال الأربع سنوات الماضية.
و أكد رئيس الجمهورية ان هناك صراعا يتم معنا ومحاولة لإيقاف البناء والسعى لتدمير البقاء، مضيفا: "لا يمكن حد يستطيع ينال من مصر طول ما المصريين كتلة واحدة".
مشاريع داخل مصر
وخاطب الرئيس الشباب قائلا: "نسعى إلى تجهيز الشباب وتوفير ما أمكن فى ظل ظروفنا، حاجة ممكن تشجعكم ونطمئنكم على بكره.. وفى مشاريع جوه مصر تضم مش أقل من 2 مليون مواطن".
ووجه الرئيس التحية للمصريين قائلا: اللى اتعمل فى السنة ونص اللى فاتوا ميتعملش فى عشرين سنة، وده ليس جهدى أنا بل جهد المصريين.. فالتحية للمصريين، بطمن المصريين على بلدهم، ومصر واقفة بخير وأمان وسلام، ومحدش هيقدر عليها.
تابعوا آخر أهل مصر على Google News
