قال الإعلامي جابر القرموطي، إن كل "البلاوي والمصائب" ستأتي من النواب المستقلين في البرلمان لأنهم يبحثون عن أنفسهم ومصالحهم فقط: "كل يوم يطلعلنا خزوق في البرلمان وبعض اعضاء البرلمان بتجر الدولة لتحت وهي تجربة ولازم نمر بيها".
وأضاف "القرموطي"، خلال تقديمه برنامج "مانشيت"، المذاع على فضائية "اون تي في لايف"؛ "اصحوا وفقوا بقا انتم جايين لمصالح الشعب مش مصالحكم.. وهما لا بيحاربوا ولا نيلة وانتم يا نواب بوق وبتوع كلام وبس وانا مسئول عن كل كلامي واللي عاوز يروح يجمع توقيعات علشان يقفلوا برنامجي يعملوا"، منفعلا: "ماتقفوا عند حدكم شوية بقا..انتم بدل ما تيجيوا تقومونا تنزلوا البلد للأرض وأيه الشو اللي بتعملوه ده وجايين تصفوا حسابات ولا ايه احكايتكم" -في إشارة إلى المستشار مرتضى منصور رئيس مجلس النواب ورئيس نادي الزمالك -.
واستطرد:" البرلمان والنواب دول معملوش أي حاجة وكل شوية يعملوا توقيعات لمصالحهم الشخصية والحاجة الوحيدة اللي علمت اوي مع الناس هي استقالة سري صيام.. والناس دي لازم وقفة معاهم".
تابعوا آخر أهل مصر على Google News
