بالفيديو.. شيرين تكشف لأول مرة تفاصيل قصة اعتزالها الفن

كشفت الفنانة شيرين عبدالوهاب عن أسباب إعلانها اعتزال الفن، قائلةً إنها تعرضت لـ «الحسد»، مشيرةً إلى أنها لم ترف ماذا حدث لها وقتها.

وأضافت شيرين في حلقة أمس من برنامج «صاحبة السعادة»، المذاع عبر فضائية «CBC»: «أنا حصل لي موقف صعب بعد مسلسل طريقي، ومريت بظروف نفسية صعبة، ولما قررت موضوع الاعتزال، ربنا بكرمه وراني حب الناس ليا».

وتابعت شيرين: «أنا مش عارفة ليه قررت الاعتزال، أنا لم أكن أؤمن بموضوع العين والحسد ده، بس فعلا في عين ممكن تخليكي تكرهي الهدوم اللي عليكي، وتقولي أنا ما استاهلش اللي وصلت له».

أنا كنت بشوف نفسي في المراية عفريتة، كنت ببقى مش طايقة حاجة، فعشان كده قلت أنا مش عاوزة حاجة من الدنيا وعاوزة أربي أولادي وخلاص، لكن الناس فوقتني بموجة شديدة، انا حسيت عن الدنيا حصل فيها حاجة، كل الفئات رفضت اعتزالي، وما كنتش أعرف أنا غالية اوي كده عند الناس».