شن مرتضى منصور، رئيس نادي الزمالك، هجومًا عنيفًا على مجموعة أولتراس وايت نايتس الراغبة في حضور مباراة فريقه مع الوداد المغربي بدون تذاكر، والمقرر لها يوم الجمعة المقبل في ذهاب نصف نهائي دوري أبطال إفريقيا.
وقال منصور، في تصريحات صحفية: "عاوز أقول تعليمات أخيرة مفهاش هزار الحاجة الأولى اللي ممعوش تذكرة وكارنيه واخده من النادي سواء عضو عامل أو جمهور عادي ملئ الاستمارة ما يتعبش نفسه ويروح لأنه مش هيسمح له الدخول للمباراة أيًا كان هو مين حتى لو كان عضو مجلس الإدارة ودي تعليمات وزير الداخلية".
تابع منصور حديثه: "تاني بقول، جالنا حتى الآن 5000 آلاف من الجمهور قاموا بملئ الاستمارة بعد تسليم الأربع صور شخصية وصورة البطاقة، واتعملهم كارنيهات وهتتسلم يوم الخميس من 11 صباحًا، واحنا عاملين 1000 تذكرة، وبقول تاني كلامي واضح أهو".
واصل حديثه: "بقول أهو أي ألتراس وايت نايتس هايحاول يبلطج وبقول لأبوه وأموا ماتلموناش ولوم نفسك، وبقول للبلطجي الصايع اللي اسمه أحمد شبرا اللي نشر على صفحته أن محدش يملى الاستمارات علشان احنا هنديها للأمن طب الاستمارات بقالها أسبوع والولاد هيجوا يستلموها يوم الخميس، وبقوله تحذير أخير أنت اتسجنت 9 أشهر وقعدت تعيط زي النسوان وأنا اللي طلعتك".
اختتم حديثه: "أي بلطجة من الوايت نايتس لن يسمح بيها طول منا رئيس نادي الزمالك ورئيس لجنة الأندية.. كلامي واضح بحذر أي حد ممعوش تذكرة من غير كارنيه لن يسمح له بالدخول ويتحمل اللي هيحصله قبل برج العرب بـ 2 كيلو".
تابعوا آخر أهل مصر على Google News
