الغطاطي: "وقعنا اتفاقية لبحث مخاطر سد النهضة.. وسايبين إثيوبيا تبني"

أعرب النائب إيهاب الغطاطي عضو لجنة الزراعة بمجلس النواب، عن تحفظه على توقيع مصر والسودان وإثيوبيا، اتفاقية إسناد دراسات سد النهضة لمكتبين استشاريين دوليين، وقال: "إحنا بنمضي على اتفاقية عشان مكتب استشاري دولي يعمل تقرير عن سد النهضة في الوقت اللي إثيوبيا بتبني.. بعد سنة على ما التقرير يتقدم تكون إثيوبيا أنهت السد".

وأضاف "الغطاطي" في لقاء تليفزيوني، أمس الخميس، ببرنامج "ستوديو النواب" على قناة "تين": "لو التقرير قال إن مصر هتتضر وحصتها هتتأثر هنعمل إيه ساعتها؟ كنت أتمنى ممارسة ضغوط قبل كده".

وتابع: "إذا تم بناء السد وجاء التقرير أن حصة مصر ستتأثر بأي شكل.. دي هتبقى ورقة مصر تقدر تضغط بيها في إجراءات أخرى".