نشطاء عن الهجرة غير الشرعية: "انتحار بفلوس "

نشر الكاتب الصحفي، والشاعر "أشرف ضمر" على صفحته الشخصية على موقع التواصل الاجتماعي فيس بوك، بوست سخر فيه من الذين يفكرون في الهجرة غير الشرعية.

وأكد ضمر أن تكلفة الهجرة غيرة الشرعية 40 الف جنية قائلا: يا عم ده انت بالاربعين الف دول ممكن تعمل اي حاجة وانت فى بلدك وبين اهلك".

وقال "ضمر": لو وصلت بعد عذاب هتتسجن او تاكل من الزبالة وهيحتقروك، وترجعوا تقولوا مصر هى اللى غلطانة وهى اللى غرقتنى، وهى اللى كلت الجبنة كمان، وحد ينشر صور الغرقى ويكتب تحتها اه يابلد مغربانا فى ارضك ومغرقانا فى بحرك".

وعلق "فريد محمد فريد" على رأي "ضمر" حيث قال:" أنا بحار بقالي 14 سنة واتعرضت للفقر والذل وكنت بفكر في الهجرة بردوا .. ارجوك تحط نفسك مكان الناس دي ".

ورد "ضمر" على تعليقه :"وانا كنت مكانهم كتير وظروفى العن منهم ميت مرة واتعرض علينا نهاجر ..وكان متعلق فى رقبتى ستة"

واكد حسام حسن طالب بكلية العلوم جامعة حلوان على صفحته الرسمية انه يجب توفير فرص عمل مناسبة للشباب قائلاً الناس مبقاتش حاسة بالحياه الكريمه الي بيقولوا عليها الناس لو حست بيها ممكن يحصل اختلاف "

وأشار إلى أن ارتفاع الأسعار جعل الشباب يفكرون في الهجرة بالإضافة إلى عدم إتاحة الفرصة للتعبير عن أراء المواطنين في وسائل الإعلام المختلفة .

وقال "حسام": الإعلام مش بيقول غير بص فرنسا عامله ازاي بص ألمانيا كويسه ازاي وحاجه تانيه بص ابن عمتك سافر الخليج بقي ازاي في الوقت ده بيغيب العقل"

وأضافت هبة الله سيد طالبة بكلية الإعلام جامعة القاهرة على صفحتها، "إن هؤلاء تخلوا عن كل أملاكهم ليشتروا الموت ولازم نشوف مطالبهم عشان ماتتكررش تاني".