قلب من نــــــــــور

أنا عارفة أن ساعات كل واحد فينا بتضيق عليه الدنيا فجأة ..! وبيحس أنه لوحده ومش طايق نفسه.. ولا طايق حد يتكلم معاه خااااالص.. وبيحس أن الدنيا ضلمت فى وشه أووووووووى..!! وأنه مخنوق.. وحزين .. ومكتئب .. ومكشر .. و......

ايه ..ايه .. طيب واحده واحده بس حلمك على نفسك شويه

كل اللى أنت فيه دا روحك وقلبك هيستحمله.. آه هيستحمله

متستغربش كدا وتحس وكأنى بضحك عليك ... طيب انا هقلك أزاااى هتستحمله؟؟

أصل اللى خلقنى وخلقك قال فى كتابه العزيز " لا يكلف الله نفساً الا وسعها " يعنى ربك عارف ومتأكد أنك تقدر تشيل وقادر تستحمل وبيشيلك كمان على قدك

طيب أقلك على حاجة كمان ...

لو أنت جيب حكمت على الفرق بين الإنسان اللى بيتكلم و الإنسان اللى بيتألم

وفى حكمك هتفتكر ان الفرق فى حرف واحد بس .. وللآسف حكمك خانك

لان الفرق بين اللى بيتألم وبين اللى بيتكلم .. موجود فى نسمات الرضا اللى بتتوزع على شفاه بعضهم واللى بتزرع فى قلبهم النشوه والسعــــــــــــــادة .. وبنسمات الرضا دى بيرضوا فضول الناس اللى معشش اليأس فى قلوبهم وبيتربصوا بيهم وفى كلامهم اللى مفهوش دفا ولا سلام وكمان بتلاقى فى نظرات الناس المتكلمين دول الكره والسواد وظلام النفس والروح وكمان مبتلاقيش منهم حضن وداع من القلب للناس اللى بتتألم دول على أمل اللقا مره تانيه ...

تحسوا الفرق بين اللى بيتألم وبين اللى بيتكلم كبير اوووى مش بس حرف واحد ...!!

حسوا بيهم يرحمكم الله ومتزودوش هم " المتألمين صمتاً " هم اكبر فوق همهم بفضولكم واستفساراتكم اللى أحياناً بيكون ماليها التطفل والفضول وصدقنى فى الآخر مش هتفيدك بحاجه غير أنك هتفتكر انك بتوجعهم وهتكتشف انهم ناس نفسها وروحها صاااافيه جدااا وهتكتشف بقا ان فضولك آذاك أنت من غير ما تحس أصل الدنيا كدا داين تدان ...

لكن لازم تعرف ان الناس اللى مبتتكلمش مع الناس دى مش ساكته ... لا بالعكس دى

بتتكلم مع اللى أعظم من الناس دى كلها....ايوه لانها بتفضفض مع رب النـــــــــاس العظيم الكريم اللى أحن عليهم منى ومنك .. لان هو عارف أن ربه حنين اوووووى وعظيم اووووى وأن سبحانه بيسمعه من غير ما يتكلم وكمان فى أى وقت واى لحظة مجرد ما يقول ياااااارب من كل قلبه عارف انه هيسمعه ويستجبله ويريح قلبه فوووق ما يتخيل ...

ومتستغربش ان ربك قادر دا هو اللى قالك ادعونى أستجب لكم ..

عارف بقا لما تبقا بين ايده .. يااااااه على الراحة والسكينة اللى هتملا قلبك هتحس كدا كأن قلبك " قلب من نــــــــــــــــــــــــور "

آه والله زى ما بقلكم كدا قلب من نور والنور دا هتحس انه بيطلع على وشك وفى كلامك ومع الناس وهتحس أن روحك فى نشوه دااااااااائمه .. سبحانه اصل هو اللى مطمنك .... وما الروح بدون محبة الخالق الا شبح هائم فى صحراء الدنيا الطاحنة يأكل الناس ... وبنهى كلامى معاك وبقلك سلم أمورك للقدير فإنه لو شاء أنزل بين يديك القمـــــــــــــــــــــــر ..

من كل قلبى بتمنى للجميع انه قلبه دايما يكون

" قلب من نــــــــــــــــــــــــور "