عبرت الراقصة الاستعراضية، سما المصري، عن غضبها من المحامي سمير صبري، الذي وُكل إليه الدفاع عن «سمية طارق» المعروفة باسم فتاة المول، ضد الإعلامية ريهام سعيد التي قامت بالتشهير بها عبر برنامجها صبايا الخير، والتي حكمت عليها اليوم محكمة الجيزة بالسجن سنة و6 شهور وتغريمها مبلغ 10 آلاف جنيه، وكفالة 15 ألف جنيه.
وعلقت في بيان صحفي لها عن واقعة تنازل صبري، عن نظر قضية فتاة المول، قائلة: «بص يا سمير يا بلاغات، أنت سبت البنت الغلبانة سمية لوحدها، بعد ما أخدت الشو والضجة إنك هتكمل معاها، وفي الأخر مكنتش بترد على تليفونها على حسب كلام سميه ليا».
وتابعت: «بس وحياة الغلابة يا أبو سمره، البنت هتاخد حقها منك بالقانون ومن نقابتك، وأنا مش هسيبها لوحدها، زي ما أنت عملت، بس أقول أية هو طبعك، ولا هتشتريه، فعلًا سمير بلاغات».
وأضافت: «أنا وقفت جنب البنت بعد ما سبتها، وقومت محامي لها من عندي، ومقلتش دا في الYعلام عشان أنا مش زيك أنا شبعانة شو، بس النهاردة بقولك يا سمير بعد الحكم آخرتها هتتحبس، والناس هتتخلى عنك زي ما بتسيب بنات الناس، أصل سمية غلبانة، ومعندهاش حصان زي بتاع نجلا يا محامي نجلا يابياااااع».
يذكر، أن المصري قامت بتوكيل محاميها الخاص الدكتور أشرف ناجي، بعدما تنازل المحامي سمير صبري عن نظر قضية «فتاة المول».
تابعوا آخر أهل مصر على Google News
