هو دا المصري دمه خفيف وهيفضل طول عمره عامل أحلى دماغ، ضارب الدنيا طناش ومنفض لأي حاجة مش عجباه، حتى لو كانت الحاجة دي هي حكومته وقراراتها اللي مفيش منها فايدة من وجهة نظره.
كاميرا "أهل مصر" تجولت بالشارع وسألت عدد من المواطنين: "كم عدد الوزارات بالحكومة، اسم رئيس الوزراء، اسم وزير السياحة، اسم وزير الداخلية، آخر قرارات الحكومة".
اعتمد البعض على التخمين في الإجابة، فقالوا: "عدد الوزارات تقريبًا كدا 14 أو 13" ، بينما قال "رمضان عبدالقادر، موظف": "ممكن يكونوا 33 وزارة مش حاسين بيهم، وأخر قرار أخدته الحكومة بتاع غلاء الزيت".
وأخر قرارات الحكومة، قال "حسن علي، أعمال حرة": عايزين القرار يكون مفيد للشعب والناس متبقاش متضايقة ويسهل على الناس في كل شئ، وأضاف آخر: مش متابع ومعرفش ايه اخر قرارت الحكومة.
وأكد "لطفي البحري، كاتب وناشر"، أن جميع قرارات الحكومة لم تلمس المواطن البسيط، عايزين قرارات تطبطب على المواطنين.
أما اسم وزير الداخلية، قال "سيد جمعة، محاسب قانوني"، مش عارف، لكن قال آخر إن اسم وزير الداخلية إبراهيم حاجة كدا بس مش فاكر الاسم التاني".
تابعوا آخر أهل مصر على Google News
