أيام قليلة تفصلنا عن 11 نوفمبر المقبل، في الوقت الذى دعت بعض العناصر المجهولة عبر صفحات التواصل الإجتماعي "فيس بوك"، إلى النزول للتظاهر في شوارع وميدان القاهرة والمحافظات، ما دفعنا إلى إستطلاع أراء المواطنين في الشارع للتعرف عن قرب على موقفهم تجاه هذه الدعوات.
فى البداية وبعبارة ضاحكة تملًا وجهه قال "ب.ي"، 25 سنة، " أننا لازم ننزل كلنا ونقول كلمتنا، ويفضل الشعب إيد وحدة، أنا نازل كده كده هروح الشغل طبعًا يعنى أكيد هنزل"، مداعبًا: "ولو لقيت برضوا مظاهرات هنزل بالمره".
بينما قال "ح. ب"، إنه يطلق على هذه الدعوة ثورة الجياع، مشيرًا إلى أن هذا اللقب يعد مفهوم صحيح جدًا لما يصاب به المجتمع المصرى من تقشف وانعدام لجميع الموارد الموجودة حاليًا.
وأضاف:"أنا شايف إن النزول يوم 11 القادم ملوش لازمة، ولو الشعب نزل فعلًا هنجوع، وأنا ضد النزول في اليوم دا علشان احنا نستاهل كل اللى وصلنا ليه".
فى حين يرى "م.ش" أن الدعوة التى أطلقت للتظاهر فى الشوارع والميادين المصرية لا تعبر عن واقع سياسي، ولا تنقل أى مفهوم سياسي على الساحة، مشيرًا إلى خطأ النزول في الشارع في ظل الظروف الإقتصادية المتردية التى يمر به الإقتصاد المصري في الأونة الأخيرة.
وتابع: "اللى بيطالبوا بالنزول يوم 11 11 هم نفسهم اللى بيطالبوا بمطالب جماعة الإخوان المسلمين، وتحشد لها منذ سقوط المعزول محمد مرسي وحتى وقتنا هذا".
فى حين استطرد ت "م.س": "أنا مع تظاهرات يوم 11 نوفمبر المقبل، لأن في ظلم وقهر، وأحنا مكناش كده الأول، علشان كده أنا نفسى هنزل التظاهرات علشان أقول رأي ووصل صوتى بكل اللى أنا شيفاه واللى وصلنا ليه دلوقتي".
وفي السياق ذاته أوضح "أ.ط": " أنه مع دعوات التظاهر، لأن الإقتصاد في تراجع كبير، والسلع غليت"، وعلي نزوله للتظاهر بأنه سيخفض الأسعار قائلًا:"على الأقل نحاول نضغط علي الحكومة علشان تشتغل، ودي الطريقة الأفضل".
تابعوا آخر أهل مصر على Google News
