خطفت الفنانة الصاعدة دنيا الحلو، خلال تواجدها بمباراة نهائي دوري أبطال إفريقيا بين الزمالك وصن دونز الجنوب إفريقي، أمس الأحد، باستاد برج العرب، أنظار المتابعين للقاء، حيث ركزت الكاميرا على انفعالاتها مع كل هجمة للفريق، فضلًا عن دموعها عقب خسارة البطولة.
وأصبحت دنيا الحلو أو "حسناء الزمالك" كما لقبوها، حديث كل رواد السوشيال ميديا الذين انشغلوا بها عن خسارة الزمالك للبطولة، ومن المتسبب فيها، إذ قال أحد المشجعين: "مؤمن سليمان ضيّع البطولة في ماتش الذهاب.. وصور فاتنة الزمالك شغلت الناس عن الكلام في ده".وقالت ناشطة باسم "تاجرة السعادة"، عبر حسابها على "تويتر": "وسابوا كل حاجة ومسكوا في دنيا الحلو مشجعة الزمالك، عرفتوا إن الست ممكن تغير ملامح الكون".
وأضاف ناشط باسم "مؤمن": "تهون أي جرح"، وتابع الناشط "أحمد ناصر": "حرام عليكم، ده إنتوا كنتوا بتشجعوا دنيا الحلو، أكتر ما بتشجعوا الفريق".واستطردت الناشطة "مصرية جدًا": "وفى سياق صباحى منفصل متصل، مشجعة الزمالك دنيا الحلو اللى كانت فى المدرجات، امبارح بقت أشهر من سواق التوك توك".وقال الناشط محفوظ عبد الحليم: "دنيا الحلو شغلت الجمهور والمخرج والمصور واللعيبة والحكم وصن داونز".
وتابع الناشط أحمد مصطفى: "ستانلي جاب جول عشان بس لمح دنيا الحلو في المدرجات، يعني لو كان ركز معاها شوية كان الزمالك أخد البطولة وبسكور كمان".وأضافت الناشطة هند عصام: "البنت الزملكاوية اللي اسمها دنيا الحلو، إنتي دخلتي قلب كل شباب مصر، وبسببك عدد جمهور الزمالك هيزيد، شعب راشق في أي حمادة".
ومن جانبها، أبدت دنيا ندمها لحضور المباراة عقب ردود الأفعال على ظهورها، وقالت عبر حسابها على "فيسبوك": "شكرًا لكل حد بيبعتلي كلام حلو كده وجمهور الزمالك، شكرا لكل حد بيبعتلي إنتي كنتي الحاجة الوحيدة الحلوة في الماتش، بس بجد أنا وصلت لدرجة ندمت إني روحت، ولو أنا الحاجة الحلوة فعلًا فمش عايزها ولا عايزة كل اللي بيحصل".
وأضافت دنيا: "كنت رايحة أشجع النادي اللي بعشقه، وعشان كان اسم مصر هيترفع مش عشان صور تنزل وشبيهة صافيناز، ولا الحلوة بزيادة ولا ولا إني فنانة ومن عيلة فنية بتشجع زمالك طول عمرها واتربت على حب الزمالك، شكرا يا محترمين".
تابعوا آخر أهل مصر على Google News
