"هنركب عجل وهنسبيبلهم البنزين"، دعوة بدأت على الفيس بوك من شاب مصري في محاولة منه لمواجهة رفع الدعم عن البنزين والسولار، وبالتالي ارتفاع أسعار المواصلات.
والفكرة ببساطة هي دعوة الشباب الى ركوب الدراجات البخارية، وترك السيارات، في محاولة لمواجهة الغلاء يعنى "منها توفير ومنها رياضة".
ولا يوجد اختلاف بين الشباب على الفكرة، وجاءت آرائهم كالاتى قال الناشط "محمد ويكاوى "احنا نعمل محطات عجل للايجار زى مشروع فيليب فى فرنسا".
وأضافت الناشطة "فاطمة حسن "طب انا بفكر جديا اني اجيب واحدة بس خايفة تتسرق، حد عنده فكرة ممكن امنع الموضوع ده ازاي؟".
وأشار الناشط "محمد نجيب "فاكرت في البيك بجد بعد اسعار البنزين في البلاد ولقيت فكره جميله جدا ومفيده وتغير شويه وبنسبه ل العربيه للمشاوير البعيده ودي فكره عند اغلب الشباب وشويه فيتنس ".
وعلى الجانب الآخر قال "محمد شبانة" مؤسس الايفنت "تعالوا كده نحسبها واحده واحده"، لو فعلا الناس بدأت تستخدم العجلة بدل المواصلات والسيارات ايه اللي ممكن يحصل !!.
ورصد "شبانة" أهم استخدامات العجل وأوضحها فى عدة نقاط.
_ هنوفر استخدام الوقود وبالتالي هنقلل من استيراد البترول وهيعود عليها انخفاض سعر الدولار وارتفاع سعر الجنيه المصري. "اعمل سيرش وشوف بنستورد بترول بكام".
_هنقلل الزحمه وبالتالي هنوفر في الوقت ونقلل التلوث الناتج عن العوادم وحوداث الطرق هتنخفض وده طبعا هياثر بالايجاب علي اقتصاد الدوله ومواردها"اعمل سيرش وشوف اضرار العوادم وكميه الحوادث".
_ركوب العجله رياضه متكامله هتخليك تبدأ يومك بنشاط وكمان هتساعدك تتخلص من اي امراض في جسمك مع الاستمرار عليها يعني ينرفع من الصحه العامه في المجتمع وهنقلل الضغط علي المستشفيات وده بردو هيكون له تأثير كبير علي اقتصاد الدولة "اعمل سيرش وشوف كميه الامراض الموجوده ف البلد وكمان شوف فوايد ركوب العجله".
الموضوع مش مجرد ركوب عجله الموضوع ايجابياته كتيره اوي والبدايه من عندك انت.
تابعوا آخر أهل مصر على Google News
