يرى عدد من المواطنين أن أداء الحكومة في مجمله، منخفض ولا يعبر عن متطلبات الشارع المصري، حيث استطلعت كاميرا "أهل مصر" آراء بعض المواطنين حول أداء الوزراء بالحكومة، وأي وزير الأفضل أداءً، وأيهم الأسوأ ولماذا، من وجهة نظرهم، جاء "سامح شكري" وزير الخارجية، كان الأفضل أداءً من وجهة نظر "هاني سليم، محامي"، بينما كان الأسوأ وزير السياحة.
وقال مسعد المصري المتحدث الرسمي باسم تمرد شمال القاهرة: "إننا قصاد حكومة لا تعمل بجد، وقصاد وزير اسمه خالد حنفي طلع بيكذب على الشعب بيقول الفراخة 75 قرش ولازم يمشى حالا وفورا، ووزير الداخلية بيقول إن الداخلية فوق أي حد لا لازم يكون هناك احترام متبادل".
وأضاف "المصري":"ولازم نعترف الحكومة لا تلبى احتياجات الشعب اللى خرج بعد ثورتين بيقول يلا نغير، وأشار إلى أن الحكومة الحالية لا تمثل الشعب المصرى واحد في المائة احنا بنطلب بتغير الحكومة كلها".
وقال مصطفى، محامي: "لو بصينا للحكومة من 30-6 سواء الببلاوي أو محلب أو رئيس الوزراء الحالى حاجة هنلاقيهم كلهم موظفين عند الدولة لا يوجد ي انجاز رئيس الوزراء بيقعد فالاجتماعات ضيف، مفيش وزير عمل انجاز غير وزير الداخلية واحنا عارفين عمل ايه والانجازات انه خلي مفيش مظاهرات ".
أسامة كمال على المعاش، أضاف: "والله انا عايز اقولك حاجة هى الحكومة دى برنامج لو فى وزير اتشال يبقى مسؤول منه رئيس الوزراء لانه هو اللى بيجب الوزير يتشال، لكن اننا نشيل الوزير الذى اخطأ عشان امتصاص غضب الناس دى سياسة ".
تابعوا آخر أهل مصر على Google News
