فيديو| الإبراشي يعرض سعر بيع «الكلى» في مصر

قال الإعلامي وائل الإبراشي، إنه منذ عدة سنوات وهو يحذر من أن مصر تحولت إلى سوق إلى قطع الغيار البشرية.

وقال أثناء تقديمه برنامج «العاشرة مساءً» عبر فضائية «دريم»،: «مصر تحولت إلى سوق لقطع الغيار البشرية.. ده حتى بيأتي بعض المواطنين من دول عربية عشان يبيعوا كلاهم ويمشوا.. في مستشفيات بتعمل العمليات دي؟ .. نعم».

وتابع: «القصة إنهم بيعملوا تحاليل لمجموعة من الأشخاص وبيستنوا لما ييجي المريض اللي عاوز يدفع أموالًا علشان كلية.. ويشوفوا تحاليله بتناسب مين في اللي عندهم عايزين يبيعوا.. وبعد كدة بياخدوه ويعملوا العملية تتم في نفس اللحظة».

وتابع: «واللي بيتبرع بياخد كام بقى.. بياخد من 20 ألف لـ50 ألف.. وطبعًا في حد تاني ممكن ياخد 70 ألف و100 ألف وهكذا يعني.. لكن المبلغ الكبير اللي بيدفعه الشخص اللي عايز هذه الكلية بيكون أكبر من كدة.. لان في طبيب بياخد وفيه سمسار».