دينا الشربيني تقدم نصائح للفتيات عن العلاقة والزواج والشخصية

قدمت الفنانة الشابة دينا الشربيني، عبر صفحتها الشخصية علي موقع التواصل"فيسبوك"، نصائح للفتيات حتى يمتلكن شخصية مستقلة وقوية.

وقالت دينا: "خلي العلاقة بالنسبالك آخر حاجة تفكري فيها، اتعلمي وخلي معاكي شهادة، خدي كورسات واتعلمي لغات، إكتشفي موهبتك ومارسيها، طوري من عقلك بالقراءة والكتابة، دوني تفاصيلك بدل ما تحكيها".

وأضافت الشربيني، ناصحةً الفتيات: "الجواز بالنسبالك مرحلتين المرحلة الأولي جواز السفر والمرحلة الأخيرة الجواز بشخص، أشتغلي وخلي ليكي حساب خاص، الفلوس بعد الستر هي السند الحقيقي، واخلقي كيان خاص بيكي تكوني فيه إنتي صاحبة القرار الأول والأخير في حياتك، قرار إنك تقلعي الحجاب أو تلبسي الحجاب تبطلي تدخين أو تدخني في الوقت ده هيكون ليكي إنتي إللي هتقرريه بدون ضغط من شخص أو تدخل برأي من شخص".

وعن ظاهرة التحرش، قالت الشربيني: "لو إتحطيتي في موقف تحرش متسكتيش ولا تخافي وتدعي إنك تختفي من مكانك، واجهي الموقف بكل ثقة وخليه يندم إن عينه جت عليكي قبل إيده، خليكي قوية، سند لنفسك وعون بنفسك، المواقف والظروف والحياة هتعمل منك شخص مختلف، وكل إللي حوليكي هيستغربوا منك أوقات وأوقات تانية هيخافوا، وهيخافوا ييجوا عليكي زي زمان عشان عارفين رد فعلك بقي إيه دلوقتي، اسعي للاستقرار النفسي بمكان لوحدك، لأن ضغط الأهل هيخلق جواكي مجموعة أمراض نفسية من غرابتهم مش هتلاقي ليهم مسمي"