في أغلب الأحيان تحاول ست البيت عمل تورته وتفشل، والسبب دائما يكون بسبب إن الاسبونج حساس جدا، وأية غلطة به يخرج الهواء منه، لذلك تقدم خبيرة الطهو والحلويات، ندى فاروق " أم أنس"، طريقه الإسبونج الناجحة جدا.
االمقادير:
6بيض
2ملعقة محسن جيل حلويات ودا اهم ما في الموضوع موجود عند العطار
و3 باكو فانيليا وملعقة خل
و2 ملعقه كبيرة نشا
و2كوب دقيق
نص كوب سكر عادي
ونص كوب مياه دافئة
ذرة ملح
صينية مقاس 28
الطريقة:
في الكابه هتحطي مضرب البيض المخصص للكبه أو تشتغلي بمضرب بيض عادي، والافضل نتيجه عن تجربه مضرب البيض المتخصص في الكاتشين.
وتنزلي ب6 بيض مع الفانيلا وملعقه خل كبيره وطبعا الكابه ناشفه مفيش مياه نهائى
وشغلي الكابه حتى يبيض البيض ويعمل فوام نزلي السكر يضرب ضربه مع البيض وبعدين باقي المقادير كله واضربيهم كلهم 10 دقايق،
ونزلي الخليط اللي هيبقا عامل زي الاسفنجه ومش زي خليط الكيكه خالص في صينيه مقاس 28 مدهونه ماده دهنيه ومتبدره بالدقيق ويكون الفرن ساخن ودخلي الصينه الرف الوسط علي درجه حراره 180 لمده 45 دقيقه وطلعي
الاسبونج تعملي اختبار بالسكينه في نص الاسبونج لو السكينه طلعت ناشفه يبقا استوا واول مايطلع من الفرن تغطي ويبرد يدخل الثلاجه لتاني يوم
تاني يوم تبتدي التزويق تقسمي الاسبونج علي ثلاثة اجزاء، وكل جزء ترشي عليه ماء كمبوت او تكوني عامله جيلي وبارد وتسقعي بالتورته اوماء بسكر.
وبعدها ابدأي تضعي بين كل الطبقات كريم شانتيه وتغطي الاسبونج من الخارج والخارج بكريم شانتيه وقسمي التورته بكريم شانتيه من النص، وضعي الكريم شانتيه في كيس الحلويات وقسمي التورته جزء تعملي بصوص الشيكولاته
وجزء بالفاكهه اللي تحبيها، مثل الفراولة واصنعي وردات بالكريم شانتيه، مع امكانية إضافة مكسرات مطحونه او تكتبي بالكريم شانتيه علي التورته يعني تزويق التورته حسب ذوقك الخاص، وبألف هنا وشفا.
تابعوا آخر أهل مصر على Google News
