"ماندو" يشكر حميد الشاعري بكلمات مؤثرة: "الراجل اللي مزيكته ربيتني"

نشر المخرج ماندو العدل، عبر صفحته الرسمية لموقع التواصل الإجتماعي "فيس بوك"، رسالة عبر فيها عن حبة الشديد للفنان حميد الشاعري.

وتضمنت الرسالة: "لحبيبي .. الفنان الحقيقي اللي كنت بروح افتح شرايط الكاسيت في المحلات عشان اشوف هو شغال فيها ولا لا عشان اشتري ..الراجل اللي مزيكته ربيتني و علمتني و كبرنا سوا .. للي بحتاج اسمع مزيكته عشان افرح لما أكون زعلان و اروح في مكان تاني خالص .. الراجل اللي مخدش حقه رغم انه نجم كبير .. صاحب الفضل علي كل اللي غنوا تقريبا في أخر ٣٠ سنه .. اللي عمل كل الأشكال الموسيقية بعظمة .. اللي نفسي يرجع تاني يعمل أغاني عشان الدنيا تحلو و الموسيقي يبقالها طعم .. اللي يا ريت الدنيا كلها تبقي عبارة عن حلاوة ألحانه و صولوهاته.. اللي يعرفه يقوله انه حبيبي فعلا و صاحبي القريب"