السيسي لرعاة الإرهاب: "مش هتبقى نار ربنا وناركم.. سيبونا نعيش"

قال الرئيس عبد الفتاح السيسي، إن هناك من يعيش بيننا ويرى أننا على خطأ في مصر: "فيه وسطينا ناس بيقولوا علينا وحشين.. خشوا إنتوا الجنة وسيبونا إحنا نعيش.. طيب كفاية النار بتاعة ربنا متبقاش نار ربنا وناركم إنتوا كمان".

وأضاف الرئيس، في الجلسة الأولى، خلال فعاليات اليوم الثاني للمؤتمر الوطني للشباب، تحت عنوان "الصعيد ما بين التحديات وآفاق التنمية"" "هما ناس صالحين وإحنا ناس مش كويسين.. ربنا هيحاسبنا.. وربنا مش غافل عن اللي بيتعمل لا مننا ولا منهم.. النقطة اللي بكلمكم دي فيها أحد أسباب تردي الدول اللي بيحصل فيها إرهاب.. هي دي الدول اللي مبتطلعش قدام أبدا".

وتابع: "مش مطلوب نطلع قدام.. لكن مصرين إننا نقاتل.. قتالنا مع ظروفنا وقتالنا من أجل مستقبل أفضل.. هتشوفوا قد إيه (آلا إن نصر الله قريب) إن شاء الله".