ينتظر المصريون مباراة النهائي في بطولة كأس الأمم الافريقية، والتي يلاقي فيها المنتخب نظيره الكاميروني، في نهائي البطولة المقامة حاليًا في الجابون.
وبينما ينتظر المصريون فرحة التتويج باللقب الثامن لمصر، ينتظر آخرون فرحة من نوع آخر، بمناسبات مثل الزفاف أو ليلة الحنة، فسواء كنت معزومًا على الفرح أو من أهل العريس أو العروسة فالموضوع ربما يكون سهلًا "تقدر تحضر شوية في الفرح وتنزل تشوف الماتش"، أما إذا كنت العريس فإليك ما يمكنك فعله ليلة فرحك "علشان تشوف الماتش"..
1/ ببساطة ممكن تحضر الفرح وتتابع الماتش وانت في الكوشة من خلال أصحابك اللي يقولولك النتيجة أول بأول.
2/ ممكن تحط شاشة العرض في وسط القاعة وبدل ما تذيع الفرح للمعازيم اتفرجوا على الماتش مع بعض.
3/ ممكن تخلي وقت الفرح يبدأ بدري، لو عاوز تنبسط بالليلة بتاعتك - خلص الفرح بدري وبعدين اتفرج على الماتش في بيتكم.
4/ لو العروسة هتتعصب عليك لو تابعت الماتش في الفرح، ممكن تسيبها تعمل زفة مع صاحباتها البنات براحتهم، وتنزل تشوف الماتش على القهوة مع صحابك وبعدين ارجع كمل الفرح.
5/ لو مراتك هتزعل انك سبتها ليلة العمر لوحدها، خلاص خدها معاك القهوة، واتفرجوا على الماتش مع المشجعين، وخدوا المعازيم معاكم "ياما ناس اتجوزت في الاستاد".. وألف مبروك.
تابعوا آخر أهل مصر على Google News
