سخر المستشار مرتضى منصور، رئيس نادي الزمالك، من حديث الإعلامي خالد الغندور، والذي قال فيه: «بنبارك لك على الجمعية العمومية»، فرد رئيس الزمالك قائلًا: «لا بارك لشوبير اللي عامل حفلة على الجمعية العمومية».
وقال رئيس الزمالك في مداخلة هاتفية لبرنامج «اللعبة الحلوة»، المذاع على فضائية «LTC»،: «أنا مش عارف شوبير عايز إيه، مش عاجبك عمومية الزمالك ولا الأهلي.. يا أستاذ شوبير افهم بقى، مفيش لاعب من الزمالك هيطلع معاك، ولا قطة بتمشي في النادي هتطلع معاك».
وأضاف: «شوبير بيهزر ومش عارف حاجة.. شوبير مش بيحب اتحاد الكرة، ودي مشكلته هو مش مشكلتي، أنا ممكن أقعَّدك في البيت تاني، وإوعى تفتكر يا شوبير إن فيه حد يقدر يحميك».
وتابع رئيس نادي الزمالك: «الناس كانت فاكرة نعم ولأ في الجمعية العمومية دي عن استقالتي، وقولتلهم دي علشان الميزانية».
تابعوا آخر أهل مصر على Google News
