حدد مرتضى منصور رئيس نادي الزمالك، موعد تسليم دعوات مباراة الفريق أمام مولودية بجاية الجزائري.
وقال منصور: "كنت وعدت الأعضاء والجماهير بتوزيع دعوات مباراة بجاية يوم الخميس، انا بس عاوز اقول كلام حاسم مفهوش هزار الماتش ده لازم الزمالك يغلب فيه مش أقل من 30 لأنه فريق قوي فريق جامد والعودة هناك، وده مش محل تجربه أدخل عيال صيع يشتمو اللاعيبة يشتمو رئيس الجمهورية يشتمو الجيش والجمهور العادي يطلع يعجنهم وأنا معنديش وقت للهزار ده".
وتابع رئيس الزمالك: "أنا اتفقت مع وزير الشباب والرياضة هنطبق اللي عملناه في ماتش الكاميرون وتونس بالدعاوى، وبكرة إن شاء الله الساعة 2 الظهر أهلًا بأي حد بإسم جمهور الزمالك ولا ألتراس ولا ويت زفت الطين أنت بينك وبين نفسك كدة اسمك وايت أنت حاتيجي النادي هتاخد مني الدعوة وأنا مبعملش كمين يالا ياشبرا ياللي كنت بتتاكل كل يوم علقة في السجن ومش عارف العصاية كانت بتعمل ايه وروحت في الأخر أتنازلت، مش هاتشم أبدًا نادي الزمالك، أنا مش ممدوح عباس ولا الوزير أنا واحد تاني خالص، أنا راجل واخد 84 ألف صوت بلدي ميت غمر يوم لما طلبت أعمل مؤتمر جالي 100 ألف شخص فبلاش أنا وأبعد بعيد عني، أوعى تنسى أني من روض الفرج والمعلمين الكبار اللي بيسموك شختهم فالبراد اللي انت فرحان بيهم دول كلهم رجالة مرتضى منصور، ورحمة أمي يا شبرا هرجعك السجن تاني، واضح انك مش عاوز تهدى".
واصل حديثه، "بكرة إن شاء الله بوابة الزمالك مفتوحة الساعة 2 وهنختم الدعاوي انهاردة هتاخد الدعوة حضرتك وتجيلي يوم السبت الساعة 12 بالثانية، حضرتك ممر جامعة الدول العربية هيكون في الأستوبيس وهتتفتش، حضرتك لا معاك لافتة مسيئة شمورخ مش هاتركب وعند بتروسبورت هاتتفتش تاني، وكل اتوبيس هيكون راكب فيه أثنين ظباط".
حذر الأولتراس قائلًا، "بحذر كل أم الشرطة هاتقفل الطريق ومش هتعدي إلا الأتوبيسات اللي فيها 2 ظباط وفرد أمن من عندي فيما عدا ذلك لو انت روحت يبقى أنت بتحتك بالشرطة أنت رايح تتجرم على الشرطة كلامي واضح يا حبايبي".
تابعوا آخر أهل مصر على Google News
