كشفت وئام الألفي المدرسة المعتدى عليها بمدرسة رأس البر الفندقية، من قبل عدد من الطالبات تفاصيل الواقعة، مشيرة في البداية إلى أنها لم تكن تعلم أنهن طالبات بسبب عدم ارتدائهن ملابس المدرسة.
وأضافت خلال مداخلة هاتفية ببرنامج "90 دقيقة" المذاع على فضائية "المحور" تقديم الإعلامي معتز الدمرداش، "أنا سألت واحدة فيهم مين حضرتك فما ردتش عليا فقولت لها شيلي السماعات اللي إنتي حاطاها في ودنك علشان تسمعيني".
وتابعت: "قالت لي أنا 5 تجارة، فقولت لها طب اتفضلي روحي المبنى بتاعك، لكنها رفضت في البداية وقالت لي أنا مستنية صحابي وبعد كده مشيت".
وأضافت: "بعد شوية لقيت أكتر من 3 بنات جايين من المبنى الثاني،، وواحدة منهم ضربتني على رأسي بالروسية خليتني فقدت الوعي وبعد كده هجموا عليا باقي البنات!"، لافتة إلى أنها استخرجت تقرير طبي عن حالتها.
تابعوا آخر أهل مصر على Google News
