إيناسيو: مفيش حد يقدر يتدخل في شغلي

أعرب البرتغالي أوجاستو إيناسيو المدير الفني الجديد لفريق الكرة الأول بنادي الزمالك، عن سعادته البالغة بتولي مهمة تدريب الزمالك.

وقال المدرب البرتغالي أثناء حديثه بالمؤتمر الصحفي لتقديمه، "سعيد بالتواجد في مصر وجئت للنجاح، خاصة وأن هناك شفافية من البداية".

تابع، "الزمالك معروف في العالم والإدارة وفرت له كل حاجة وهو لا يستحق الوضع اللي هو فيه حاليًا في الدوري".

أضاف، "هبدأ مع الزمالك من الصفر وماعنديش نجم في الفريق ومش هرحم المتخاذل واللي هيلعب بجد هو اللي سيشارك بصفة أساسية".

واصل حديثه، "لاعبي الزمالك وزنهم زائد ومش جاي أتفسح في مصر ومن ساعة ما جيت القاهرة بنام ثلاث أو أربع ساعات في اليوم".

اختتم، "الجهاز الفني راجل واحد مفيش فرق وعارف إن في أعداء للنادي وماحدش هيدخل في شغلي ولن أقبل بذلك ومشيت من قطر علشان حد أدخل في شغلي".