عرضت الإعلامية جيهان عفيفي، في برنامج "سكوب" على قناة "LTC"، أمس الجمعة، قصة خادمتين تمارسان الجنس مع أصحاب البيوت، معتبرتان أن ذلك أحد حقوقهم، الأمر الذي رفضه شيخ بالأزهر الشريف وقال إنه "زنا صريح".
بشر ولينا حقوقوقالت خادمة تدعى "هبة"، 28 عاما، وتعمل في المنازل منذ 5 سنوات: "لما ببقى قاعدة في بيت، بخدم الناس وفي نفس الوقت بشوف حقوقي. يعني الراجل لو عاوز حاجة مني مفيش مشكلة ما أنا واحدة من صحاب البيت.. بحس إن البيت بيتي وراجل البيت جوزي.. في مسلسل (حريم السلطان) لما كان بيعوز واحدة بياخدها.. فين الحرام في كده؟.. وبعدين أنا شايفة لوازم البيت وشايفة عيالها إيه المشكلة لما آخد حاجة من حقوقي.. ما أنا عاوزة أعيش برضو.. أنا بني آدمة إيه المشكلة لما يبقى ليا حقوق في زوجها".وأضافت: "أنا مش متجوزة ومعنديش بيت.. أنا واحدة من صحاب البيت اللي بشتغل فيه.. ماشفتوش الجواري بتوع حريم السلطان؟ .. ما الراجل بيبص بره.. هل وظيفتي إني أكون شغالة بس؟ أنا برضو بني آدمة وبشر وشايفة التزاماتي معاهم وأنا مع الراجل لو عاوز أي حاجة.. الراجل بيحب يغير برضو.. جوزك مثلا مش حابب إنه يبقى معاكي النهاردة مش مرتاح مع مراته، إيه المشكلة لما أكون معاه أنا".وتابعت: "معنديش بيت أنا بعيش عند الناس.. وأنا مش شمال، واللي بعمله ده مش زنا.. أنا ست لابسة نقاب (تدين) وبصلي ووالله يا جماعة مش إنتوا اللي هتحاسبوني ربنا اللي هيحاسبني".
وما ملكت أيمانكم
وقالت خادمة أخرى، تدعى "منى"، 30 عاما، وتعمل في المنازل منذ 10 سنوات: "ده حقنا.. من حقنا نعمل أي حاجة في المكان اللي إحنا فيه.. وسألت شيخ وقال لي (وما ملكت أيمانهم).. إحنا لينا حقوق زي ما زوجة صابح البيت ليها حق.. لينا حقوق في جوزها.. وبقالنا 10 سنين على كده. إحنا مقيمين في البيت معاهم ملناش سكن".
وزعمت منى التي تتقاضى 4 آلاف جنيه شهريا: "ده حلالنا المجتمع شايفنا غلط.. المجتمع هو اللي غلط.. البنات اللي بتخرج وتسهر وتعمل ده مش غلط وإحنا اللي غلط؟.. ده حقنا وبناخده".
فوق الشمال
حديث "هبة" وإصرارها على أنها لا تأخذ سوى حقها، أصاب الإعلامية جيهان عفيفي بالصدمة، الأمر الذي دفعها إلى أن احتدت على ضيفتها، وقالت: "إنتي مجنونة؟ اللي بتعمليه ده حرام.. إنتي مش شمال ده إنتي فوق الشمال، لترد عليها بعبارة "ده حقي"، الأمر الذي أزعج مقدمة البرنامج، لتنفعل: "أسكتي خالص.. إنتي مجنونة.. متتكلميش خالص.. حقك إيه يا مجنونة إنتي".
المحامية شيرين الحجار، قالت في مداخلة هاتفية للبرنامج: "يعني إيه تستحلي راجل البيت.. الموجودين قدام حضرتك دول مبيشتغلوش عند ملوك . وبعدين الفكر ده يا حبيبتي فكر إرهابي فكر إخواني.. إنتو بتخربوا بيوت.. لازم يتحولوا حالا لدكتور نفسي.. بتحللي الزنا إزاي يا ماما".
وقال آخر يدعى "محمد": "أول مرة حاجة زي دي تطرح في التليفزيون.. ده اسمه سفه وتحريف آيات الدين وتخلف عقلي وتخريب بيوت الناس.. وخطأ عرض التليفزيون لقضية زي دي لإن ممكن الناس تجيب خدمات تنام معاها".
زنا صريح
من جانبه، قال الشيخ يسري عزام، من علماء الأزهر الشريف، إن "ملك اليمين يجوز للسيد أن يدخل عليها لأنها ملكا له.. الكلام ده في بدايات الإسلام.. لأن المرأة وهي عند سيدها حفظها الإسلام من الوقوع في الفاحشة.. فهي ممكن أن تذهب إلى خارج المنزل وتأتي الفاحشة.. فالإسلام قال للرجل هذه المرأة تحل لك ولكن ليست لغيرك.. وإذا أنجبت ولدا صارت أم ولد وصارت حرة".
وأضاف "عزام": "ليس موجود الآن ملك اليمين.. فالآمة لا تباع ولا يوجد قانون في أي دولة من دول العالم يبيح أن تباع المرأة وتشترى.. الإسلام كرم المرأة وحفظها".
وتابع: "هي بتقول ده حقي أنا شغالة في البيت.. إزاي والنبي صلى الله عليه وسلم، قال: (استوصوا بالنساء خيرا فإنكم أخذتموهن بكلمات الله واستحللتم فروجهن بكلمات الله).. بكلمة وشهود ومأذون وعقد.. إزاي المرأة الشغالة تعمل كده.. وتقول أنا سألت شيخ؟ شيخ إيه.. المفتي لما يفتي ده بيوقع عن ربنا؟.. إزاي سألتي شيخ في بلد فيها الأزهر والإفتاء.. وما يفعلاه هو زنا صريح لا مجال للشك فيه. لكنها تحاول أن تقنن هذا الأمر.. مفيش أي كلام تاني.. هذا المرأة التي تبجحت بهذا الكلام.. الإسلام منه بريء وبراء ولا ينتمي للإسلام بصلة.. هذا ليس من الإسلام في شيء".
تابعوا آخر أهل مصر على Google News
