بالصورة.. أيمي سالم: عمرو سعد راجل بكل المقاييس

نشرت الفنانة إيمي سالم، صورة جمعتها بالفنان عمرو سعد من كواليس تصوير مسلسلهما الجديد "أيام حسن الغريب"، والمقرر عرضه خلال موسم رمضان ٢٠١٧.

وعلقت "إيمي"، على الصورة، عبر صفحتها الشخصية على موقع "إنستجرام"، قائلة: " فكرت كتير اكتب إيه على الصورة دي لما انزلها لأسباب كتير قوي هقول بعضها عشان أكيد اللي عايزة أقوله كله مش هيكفي.. أولا أنا طول عمري بحب تمثيلك وانبهرت اكتر بعد فيلم مولانا وربنا كتبلي إني أكون معاك في مسلسلك اللي جاي في رمضان إن شاء الله وأقرب منك وأعرف شخصيتك واتصدم بإنسان صعب يكون موجود بكل المواصفات دي في شخص واحد.. خلوق ومثقف جدا حساس عاشق لكل تفاصيل عمله.. على طول بيشتغل على نفسه للأحسن محترم بيحب الخير لكل الناس وبيحب يعلي كل اللي نحوه.. كريم في أخلاقه وتصرفاته طيب وواضح وصريح.. ربنا يزيدك نجاح وخير لإنك تستاهل أكتر من كدة.. عمرو سعد مش بس مشخصاتي شاطر لا ده راجل بكل المقاييس".