هاجم الفنان رامز جلال كل من قام بالتشكيك في برنامجه الجديد الذي من المقرر أن يشارك به في السباق الرمضاني المقبل الذي يحمل عنوان "رامز تحت الأرض".
حيث نشر "رامز عبر صفحت البرنامج الرسمية علي موقع التواصل الإجتماعي الشهير "فيس بوك" صورة البوستر الرسمي للبرنامج وعلق عليها قائلًا:"الناس الى بتقول أن الحلقات بتتفبرك والممثلين بيكونوا عارفين تفتكروا في نجوم كبار ونجوم صف اول في مصر ولبنان والوطن العربي ونجوم عالميين هيقبلوا على نفسهم انهم يجوا يمثلوا ع الناس، دي إهانة لأي ممثل انه يعمل كده في نفسه قبل ماتكون إهانة لينا، واكبر دليل هو الفيديو الى نزل من الاعلامي الشهير،لأنه قال انه اكتشف بنفسه مش حد قاله ركزوا شوية ومش اي حد يقول كلمتين الناس تمشي وراه وتصدقه من غير ماتفكر شوية.
وتابع قائلًا:" إذا كان النجوم الكبار دول ممكن يعملوا كده أو يقبلوها ع نفسهم، واعتقد مفيش فنان واحد لحد الآن طلع قال إنه كان عارف، ده دليل أكبر ان كل الى بيتقال كلام فارغ الغرض منه محاربتنا وخلاص، ده لو ردود افعال الفنانين دي كانت تمثيل المفروض ياخدوا اوسكار بقى على قمة الطبيعة اللى بيكونوا فيها أثناء المقلب ووقت صدمتهم لما بيكتشفوه،المطلوب منكم تفكروا بس مش تمشوا ورايا او ورا أي حد.
واختم كلامه قائلًا: "الله المستعان وان شاء الله كالعادة هنكسر الدنيا رغم أنف الحاقدين وكل عام وأنتم بخير".
تابعوا آخر أهل مصر على Google News
