أكدت خبية علم طاقة المكان فينج شوي الدكتورة سها عيد أن التبصير والفنجان وبرجك وبختك والمذيع مش يظهر تاني، والفنان ده حيموت وبرنامج بعينه يفشل، وده حينزل وده حيطلع ويشتهر، وكل هذه الأمور "شغل سبوبة".
وقالت: "للاسف كل ده من أمور السحر والتنجيم التي أصبحت ظاهره للسبوبة والاحتيال في عالمنا العربي، وكلها مسميات للسيطرة عليك وسحب فلوسك من جيبك �فهي أمور يدعي المنجم العاصي انه حييسرك امرك ويمشيلك حالك وحيوقفلك سحر وكمان يخليك غني ومعاك فلوس، طيب مش كان الأولي يشتغل بيها علي نفسه قبلك".
واضافت: "سنكشف سويا طرق هؤلاء للتكسب من الناس اللذين يجهلون اساليبهم الملتوية:
اولا: هي او هو عنده فراسة، عارف اننا كلنا بيهمنا الزواج و الفلوس والعمل والإنجاب وغيرها من الأمور.
ثانيا: بيكون عنده ثقة في نفسه جدا، علشان يخليك خاضع وهو مسيطر وتثق فيه جدا.
ثالثا: وهو الاهم بيقوم بنقل صوره ذهنية إليك للي حيحصلك، قريبك حيتوفى، مش حتكملي مع جوزك، الممثل الفلاني حيموت، البرنامج التلفزيوني ده حيقع، او تجارتك حتخسر، المهم يخليك تتخيل معظم الوقت ان الحاجة الوحشة ديه حتحصلك وتسيطر علي عقلك الباطن، وبالتالي بتحصل لان اللاوعي بتاعك او عقلك الباطن خلاك تجذبها فسرعان ما بتتحقق (انت تجذب مافي عقلك وخيالك) (تفائل بالخير تجده).
وتقول: "ودايما بيظبط معاهم إرسال الشيء السلبي الي ذهنك لان خوفنا من تحققه في الواقع بيخليه يتحقق بسرعة اكتر من اي شيء إيجابي، علشان كده السحرة دول أوالمنجمين ومن يتبعهم لا تقبل لهم صلاة وفِي الدرك الأسفل من النار، لأنهم بيسيطروا علي ذهنك وعقلك ويدعوا انهم يقدروا يسهلولك امورك، ونسيوا ان ربنا أقوي من الجميع، طيب كان الاولى يظبطو امورهم هما الاول، وكذب المنجمون ولو صدقوا".
وتنصحك: "خليك دايما إيجابي وثقتك كبيره في نفسك ودايما ردد الحمد لله وسبحانه الله، ونظم امورك بايجابية وأتقن عملك واجتهد وتفائل دائما وتخيل النجاح والازدهار وما تتمنى انه تحقق حتوصل اكيد لهدفك".
تابعوا آخر أهل مصر على Google News
