مي كساب تهاجم شحتة كاريكا: الخاين بان على حقيقته وربنا بعده عننا

هاجمت الفنانة مي كساب، شحتة كاريكا عضو فريق «8%»، وذلك بعد انفصاله عن أوكا وأورتيجا، عقب خروجهما من الحبس خلال الساعات الأخيرة.

وقالت مي عبر حسابها الرسمي على إنستجرام في إشارة لكاريكا: مفيش صاحب بيتصاحب ما فيش راجل بقى راجل، والنبي يا ولاد أنتو بتقولوا حكم بس ربنا كبير يمهل ولا يهمل، والدنيا دوارة ما تقلقش الدور جاي عليك، وساعتها مش هتلاقي أي حد جمبك فرجه قريب.

وأضافت مي كساب قائلة: كلمتين من القلب أوكا وأورتيجا روح واحدة في جسدين بيكملوا بعض في كل حاجة في الحياة، وفي الشغل من أول ماعرفتهم حتى قبل ما أحب محمد شفت طيبة عمري ما شفتها في حياتي، وسذاجة وثقة في الناس، وكل واحد حقير كان يجي يدخل بينهم ويضحك عليهم، ويستغل طيبتهم لمصلحته، وكانوا يا عيني يبقوا عارفين أنه مش راجل ومش جدع ومش أخوهم ولا ضهرهم وأنه كلام بس فهل ما فيش ومع ذلك كانوا سايبينه، وبيقولوا معلش قطع الأرزاق وحش عشان خاطر أهله وعياله وعمرهم ما غدروا بحد ولا خانوا حد لكن للأسف المحنة والشدة بتبين كل واحد على أصله بتجيب الحقيقة اللي في القلب كل واحد الجعان وقليل الأصل والخاين الحمد الله بان على حقيقته وربنا بعده عننا.

واختتمت مي: أحلى حاجة جوزي قالهالي من زمان من أول ماعرفته أنه بيدعي ربنا دايمًا أنه يبعد عنهم أي حد وحش والحمد الله كلهم بيبعدوا عننا مع ألف سلامة والقلب داعيلم، هنكسر ورا كل واحد زير كبير خلصنا من الأول، فالتاني فتالت الحمد الله غمة وانزاحت من على قلبنا يلا بينا بقى نقطة ومن أول السطر نبدأ من جديد على نظافة بسم الله الرحمن الرحيم.