إمام مسجد يدافع عن إلغاء "مكبرات الصوت": "التراويح سنة والضرر حرام"

دافع الشيخ أحمد البهي، إمام وخطيب مسجد السيدة زينب بالقاهرة، عن قانون إلغاء مكبرات الصوت عن المساجد، مؤكدًا أن الإزعاج غير مقبول.

وقال البهي في تدوينة له علي صفحات التواصل الاجتماعي "فيس بوك": يا جماعة والله فيه حاجات عيب نتناقش ونتجادل بسببها كده، والحق فيها واضح أوي.. كده قدامنا كتير أوي، آخر حاجة تنفع حاليا في البلد النقاشات والحوارات المجتمعية للأسف.. الصح والمنطقي يتعمل واللي عاجبه عاجبه، واللي مش عاجبه يروح الصحراء الغربية".

وتابع، "القانون بيصدر ويراعي المساجد الكبرى التي لها جمهور في الشارع، ويحدد الطريقة للتعامل مع كل المواقف، وكل ده شرط عدم الإزعاج، عشان التراويح سنة، والضرر حرام".