الكحك الناعم هو ما تأمل في صنعه كل السيدات اللاتي يفضلن صنع الكعك بالمنزل بعيدا عن الشراء والتكاليف الباهظة التي تشكل عبئا على ميزانية الأسرة، وللحصول على نتائج مبهرة اليك هذه النصائح:
1-عشان الكعك يكون ناعم لازم نبسه كويس قوى، وماء العجن مايكونش كتير لأن المياه الزائدة هى اللى بتنشفه، وفيه ناس كتير فاهمة العكس، ان كل ما تحطيله ماء يبقى ناعم وطرى ويستغربوا لما يحطوا ماء ويطلع ناشف.
2-حطى السمسم ابيض ورشية على وش الدقيق فلما تيجى، تصبى السمن المقدوح قوى حينزل على السمسم يحمصه.
3- لما تخلصى الكحك وتحطية فى الصاجات علشان يخمر أول ما تلاقى الكحكة نشفت تعرفى انها خمرت .
4- ماتتقيديش بمقدار الدقيق اللى مكتوب لان نوعه بيختلف من دقيق للتانى يعنى ممكن ماتستعمليش الكمية المكتوبة كلها، وممكن تحتاجى تضيفى دقيق تانى.
5-بنستخدم لكل كيلو دقيق كوب ماء او كوب ونص ماء لحد ماتلاقى العجينة طرية واتلمت .
6- لما تيجى تنقشى الكحك بالمنقاش وانتى بتنقشى اضغطى على النقش وارفعى ايدك بالنقشة لفوق علشان السكر البودرة يبقى ثابت جوة النقشة.
7- بنستخدم ملعقة خميرة فورية لكل 4 كوب دقيق.
طريقة استخدام الخميرة بيرة
فى كوب نضع ملعقة صغيرة خميرة بيرة وقليل من السكر، وندوبها بالملعقة الاول ثم نضع كوب ماء دافىء.
تابعوا آخر أهل مصر على Google News
