خيم الحزن والكآبة، على وجوه المواطنين بمحافظة كفرالشيخ وذلك بعد نبأ رفع أسعار المحروقات "البنزين - السولار- الغاز"، حيث سار المواطنون يكلمون أنفسهم أثناء سيرهم في الشوارع.
والتقت جريدة "أهل مصر" مع بعض المواطنين، إذ تقول دعاء رجب: "منهم لله اللي رفعوا الأسعار الناس مش قادره تعيش كده يزودوا البلة طين الناس كانت بتاكل من صناديق القمامة قبل رفع الأسعار طيب حيكلوا منين صناديق القمامة محدش بيرمي فيها أكل حيكلوا منين بقى؟، أما سوسن عبدالرحمن فتقول:"هو الرئيس مش عايش في مصر هوه مش حاسس إن الشعب مش لاقي يا كل احنا كنا، بشتري ربع كيلو بطاطس الآن حنشتري قد أيه وإحنا أسرة من 5 أفراد".
وقال علي حسن، موظف: "الدولة زودت المرتبات 100 جنيه وخدتهم 1000 جنيه، يا ريتها مازودت المرتبات دي خربت بتنا مش حنعرف ناكل بعد كده ولا نودي أولادنا المدارس ولانكشف حتى في مستشفيات الحكومة اللي بتموت الناس".
وقال عادل حسني، "الغريب والعجيب وزير البترول، قاعد يقول الميزانية طيب ميخفض مرتبات العاملين بوزارة البترول الذين يتقاضون آلاف الجنيهات، وطبعا دول مش حاسين بارتفاع الأسعار، لأن مرتباتهم تعادل مرتبات 10 موظفين في الحكومه العامل بوزارة البترول عنده أحدث سياره مش حسين بينا".
تابعوا آخر أهل مصر على Google News
