مواطنو بورسعيد: ارتفاع الأسعار "خلانا تحت الصفر"..السائقون: "لو روحنا بعشرين جنيه يبقى جبرت"(فيديو)

رصدت كاميرا "أهل مصر " حالة الشارع البورسعيدى والتى وصلت حد الغليان وذلك إثر القرار المفاجئ الذى اتخدته الحكومة برفع أسعار الوقود ومشتقاته مما أدى إلى حدوث حالة من الإحباط بين المواطنين اللذين أكدو أن هذا الغلو لن يمر مرور الكرام إنما سيتسبب فى ارتفاع كافة مستلزمات الحياة كالأكل والشرب وأيضا المواصلات.

وتحدث عن الأزمة مواطنون وأصحاب سيارات الميكروباص والتاكسى الذين أكدوا أن ارتفاع أسعار الوقود ستؤثر بالسلب على حياتهم التى أصبحت على حد وصفهم " تحت الصفر".

فقال خالد عبد المحسن "سائق": "السواق دلوقتي بينزل يشتغل مبيعرفش يجيب اجره يومه ولو روحنا بعشرين جنيه فى جيبنا بيبقى" جبرت احنا بدأنا نفكر نركن العربيه خالص ومنشتغلش حرام اللى بيحصل ده".

وقال أشرف عبد الرحيم: "الناس تعبت انا بمون نص التنك 80 ونص 90 علشان منه العربيه متبوظش كنت الأول بمون ب70 جنيه دلوقتى دفعت 130 جنيه اهه حرام الناس مبقتش لاقيه تاكل هنعمل ايه بس".

ويقول إبرهيم محسن "سائق": "أنا مبقتش عارف ألاحق على الأسعار اللى بقت كل يوم فى ارتفاع انهاردة ارتفاع سعر البنزين خلنا نصرف من جيوبنا وده لأن الأجره مش هتقدر تسد قدام الارتفاع ده المفروض المحافظة ترفع سعر الأجره من جنيه وربع إلى جنيهين ولكن ما يحدث لا يرضى "عبد ولا رب".

وفى سياق متصل قال محمد السباعى " موظف": "الارتفاع مش فى البنزين بس الارتفاع كده بقى فى الاكل والشرب والمعيشه كلها والمرتب مش مكفى بيزودونا 7% وبيرفعوا الاسعار 20% هنأكل اولادنا ازاى حسبى الله ونعم الوكيل".

وفى سياق متصل أعلنت محافظة بورسعيد، منذ قليل، عن زيادة تعريفة المواصلات الجديدة في خطوط المحافظة مع المحافظات الأخري بنسبة 15% ذلك تزامنًا مع زيادة أسعارالوقود التي أعلنها مجلس الوزراء صباح اليوم الخميس.

وقال بيان للمحافظة إن أسعار المواصلات مع محافظات:" القاهرة من 35 لـ 41 جنيهًا، الإسماعيلية من 15 ج لـ 18 جنيها، السويس من 30 لـ 35 جنيها، الزقازيق من 27 لـ31، وفاقوس من 25 لـ 29 جنيهًا ".

كما جاءت أسعار تعريفة المواصلات للقنطرة من 12 لـ 14 ج، المنزلة من 13 ج ل 15 جنيها، الاسكندرية من 40 لـ 46 جنيها، طنطا من 28 لـ 33ج، المحلة الكبري 27 لـ 31، المنصورة من 20 ل 23، دمياط من 9 لـ 11 جنيها.

يذكر أن اللواء زكي صلاح مدير أمن بورسعيد قد أعلن عن أسعار تسعيرة التعريفة الجديدة للمواصلات داخل المحافظة للسيارة الأجرة جنيه عن التسعيرة القديمة لتصبح المواصلة داخل الحي الواحد 5.5 جنيه، ومن حي إلى حي آخر 6.5 جنيه، والمدينة كلها 7.5 جنيه.

وأضاف مدير أمن بورسعيد، أنه تم زيادة سعر السرفيس في خطوط السير الداخلية 25 قرشا؛ لتصبح التسعيرة 1.5 جنيه بدلًا من 1.25 جنيه.