"فريدة سيف النصر" تنعى كلبها على طريقة "عادل إمام"

عبرت الفنانة فريدة سيف النصر، عن حزنها بعد نفوق كلبها، من خلال نشرها مجموعة من الصور له قبل مرضه وبعد نفوقه.

وكتبت "فريدة"، عبر صفحتها الشخصية على موقع "فيس بوك": "4 أشهر وعشرة أيام مروا صعبين.. بسبب عنايتى بك في مرضك خسرت أغلى صديق ما تحملتش عدم تحركى من جنبك وافتكرته إهمال فيها والمفروض أسيبك بتنزف وأخرجها ونتفسح نسيت إنى رفضت شغل علشان أكون جنبك زى ما كنت الوحيد تحت رجلى لما تعبت".

وأضافت: "معلش يا صاحبى. وأنت مامتش إلا بعد ما خسرنا بعض وكأنك مش عايز تمشى إلا وأنت مطمن عليا.. تصدق طلعت صح المحبة مش قد كده كلام ومنظره وحزنى عليك أكبر من حزنى على أي شىء تانى وعلى رأى فاهيتا مايستاهلوشى.. سيمبا وحشتنى سلام يا صاحبى أنت وتسانش صاحبك".