رصد جريدة "أهل مصر" صباح اليوم السبت حالة من الغضب بين سائقي الميكروباص بمجمع مواقف دمنهور بعد وضع الأسعار الجديدة داخل الموقف.
وبسؤال أحد سائقي ميكروباص موقف كفر الدوار عن سبب هذا الغضب قال: "زعلانين علشان محدش حاسس بينا كل حاجة بقت غالية مش بس البنزين واحنا مش ملزوم مننا بيت زي أي مواطن برده؟، السعر الجديد دا علي أساس اية بالظبط مش مفروض علي المسافة".
وأضاف السائق "عبدالله حسين" سائق بموقف حوش عيسي: "مش عاوزين غير حقنا، سعر الإجارة الجديد مش هيكفي مصاريف بنزين وزيت وقطع غيار العربية بالإضافة للبيت اللي مصاريفه مش بتخلص هنروح فين بس ونقول لمين حسبنا الله ونعم الوكيل".
كما أشار سائق آخر يدعى "رائد قاسم": أنا لو فضل الحال كدا أنا هبيع العربية وأقعد في البيت أحسن، بدل الإهانة من الركاب ومن الحكومة، احنا مين هو احنا مش مصريين ولا احنا مين بالظبط علشان يحصل فينا كدا".
انتقلت الجريدة إلي إدارة مجمع المواقف بسؤال اللواء عبدالمنعم السبيعي المدير التنفيذي لمجمع المواقف صرح أنه لا يوجد أي مؤشرات لتغيير الأسعار حتي الآن، وشدد علي التعامل بحزم مع أي سائق يرفع السعر عن الأسعار المعلن عنها.
تابعوا آخر أهل مصر على Google News
