"السقا" يفاجئ شاب وخطيبته اختلفا بسبب دخول فيلمه على الانترنت

فاجأ النجم "احمد السقا" شاب وخطيبته اختلفا بسبب دخول فيلمه الجديد "هروب اضطراري" عبر احدى صفحات موقع التواصل الاجتماعي فيسبوك، وقام بالتعليق ودعوة الخطيبين لمشاهدة فيلمه مجانا.

وكان شاب عرض مشكلته عبر موقع التواصل الاجتماعي فيسبوك على إحدى الصفحات الخاصة بعرض المشاكل الشخصية، وكانت المشكلة بيه وبين خطيبته لمشاهدة فيلم السقا الجديد ووصفته خطيبته بأنه بخيل، فتدخل السقا بشكل مفاجئ وقام بدعوتهما لمشاهدة الفيلم مجانا.

والمشكلة كانت كما يلي: "ممكن ناس كتير تحس ان المشكله دي هايفه بس اعمل ايه بقي نصيبي وقسمتي وقعوني في واحده هبله بزياده

مشكلتي مع خطيبتي اني اتفقت انا وهي اننا هنروح سينما مع بعض

هي عايزة تدخل فيلم الاصليين وانا عايز ادخل فيلم هروب اضطراري ومش مقتنع تماما اني ادخل الاصليين وقولتلها انا مش هدفع ليا انا وانتي واختك كل واحد 70 جنيه علشان اشوف حاجه مش حابب اشوفها وهي مسكت في النقطه دي وبتقول عليا بخيل

رغم اني مش بخيل يا جماعه والله دا انا لسه جايبلها برطمان نوتيلا من الكبير رغم انها غليت بس علشان كانت متضايقه شويه

حاولت اقولها اني مش بخيل وان ناس كتير دخلت الفيلم اللي هي عايزاه وبيقولو مش حلو وهي قلبت مني وزعلت وانا عاندت الصراحه

ها بقي ... انا كدا بخيل؟ وعايز طريقه اصالحها بيها".