في محاولة لتسليط الضوء على تجارة الأعضاء البرية ومحاولة كشف مافيا هذه التجارة، عرضت الإعلامية إيمان الحصرى خلال برنامج «مساء dmc»، تسجيلا صوتيا بين مراسلة البرنامج وأحد سماسرة تجارة الأعضاء البشرية بعد قيامها بتعليق منشور في ميدان رمسيس عن رغبتها في بيع كليتها.
ودار الحوار التالي بين مراسلة البرنامج وسمسار الأعضاء البشرية:
السمسار: انتى عايزة تبيعى ولا تتبرعى، وبعدين الأسعار دلوقتى نزلت لأن في ناس كتيرة بتعمل كده.
المراسلة: أنا عليا شيكات بنحو 100 ألف جنيه
السمسار: أنت عملتى تحاليل
المراسلة: أنا صغيرة ومش بعانى من أي مرض وعندى 27 سنة...
السمسار: مش شرط بس هو السوق بيكون كدة إننا لازم نكشف ونعرف وأشوف التحاليل وبعدين ده هينزل من السعر أنتي مقولتيش السعر بتاعك.
المراسلة: عايزة 200 ألف جنيه.
السمسار: واضح أنك جديدة في الموضوع السعر بيتراوح من 20 ألفا إلى 25 ألفا، والكلام اللى بتقوليه ده خيال ومستحيل يكون فيه السعر ده واسألى الناس.
تابعوا آخر أهل مصر على Google News
