سخر نشطاء موقع التواصل الاجتماعي "فيس بوك" من اسم لاعب الأهلي الجديد "ماهلامبي"، وذلك لصعوبة نطق اسمه بعد أن قام اللاعب عن كشف اسمه الحقيقي، خلال تواجده بمقر النادي.
وقال أحد النشطاء:" لو كان ده الكلام النهائي في اسمه يعني، فدا بيفكرني بواقعة طريفة جدًا مع بعض أصدقائي زمان لما كنا بنلعب پلاي ستيشن.. كنت بلعب بفريق برشلونة ولقيتهم كلهم بينصحوني باللاعب" كريستوفر" في خط الدفاع، يا جماعة مين كريستوفر ده ولعب في برشلونة امتى، نزّل كريستوفر انت بس على ضمانتنا ده مدافع هايل، فين وفين بقى لما اكتشفت ان كريستوفر ده قصدهم بيه المدافع الأوكراني "تشيجرنيسكي"، وبسبب صعوبة اسمه اختاروا على ذوقهم الاسم اللي هايريحهم، عملًا بمنطق "احنا هانوجع دماغنا ليه، وهو كل واحد يختار الاسم اللي يريحه يا جماعة لغاية ما نستقر كلنا على اسم ان شاء الله مع الوقت، وممكن لو اتزنقنا قوي نمشيها لقب من عينة الديزل والصاروخ والحاجات التمانيناتي دي، هاتنفع برضه".
فيما، رأي أحد النشطاء أنه لاعب ذكي ومثقف ويعلم جيدًا من هم المصريين، فحاول مداعبة الجمهور بطريقتهم.
وقال، آخر: "ياعم علي رأي اللمبي، د اسمه عايز "كتالوج"، وتجيبيه شمال ويمين هو مش هيليق عليه غير "سمارة".
تابعوا آخر أهل مصر على Google News
