صرخة الأهالي في أول يوم مدرسة: "10 جنيه مصروف و20 جنيه سندوتشات.. والكيك والبيبسي وجبة الطلاب" (فيديو)

رصدت "أهل مصر"، تجهيزات الأهالي لبداية عام دراسى جديد، وشكاويهم حول غلاء الأسعار.

وقال ولي أمر أحد الطلاب، إن "تجهيزات أول يوم دراسة طبعا بيبقى صعب جدا، بتصحى بدري بتجهز حاجة الطفل وبتجهز السندوتشات، وبتنزل بدري توصله عشان الزحمة"، مضيفا:"اديتو مصروفه 10 جنيه، وجبتله سندوتشات بـ 20 جنيه".

واستطرد آخر: "جهزت لأول يوم دراسة صحيت بدرى جهزت السندوتشات لأولادي بـ 20 جنيه، ومصروفهم الشخصي 10 جنيه غير البيبسي والكيك"،

وأوضح آخر: "صحيت أنا وابنى صلينا الفجر وجهزت هدومه وجهزت سندوتشاته ونزلت وصلت المدرسة، اديتو مصروفه 5 جنيه وجهزت سندوتشات بـ 10جنيه".

وقالت هند محمد، موظفه حكومية، "جهزت لأول يوم دراسة صحيت بدرى ووصلت ابنى المدرسة، جهزت سندوتشاته بـ 10 جنيه، واديتو مصروفه الشخصي 5 جنيه، ودا طبعا غير مصاريف المدرسة اللى زادت الضعف"

وأضافت آخرى: "أنا عندى ثلاث أطفال جهزتهم للمدرسة ومصروفهم الثلاثه 15 جنيه، وسندوتشاتهم بـ 30 جنيه ودا طبعا غير مصاريف المدرسة والدروس الخصوصية".