نشرت إحدى صفحات موقع التواصل الاجتماعى "فيس بوك"، تحمل اسم "خط كفر صقر"، شفرة بين زوجين اتفقا عليها، بعد إعلان الجهاز القومي لتنظيم الاتصالات، عن زيادة أسعار كروت الشحن المدفوع مقدمًا بنسبة 35%، ابتداءً من اليوم الجمعة، لكافة الشركات الخاصة بالاتصالات "فودافون وموبينيل واتصالات والشبكة الجديدة (we)".
ونتيجة لزيادة الأسعار من كافة الجوانب وليس أسعار دقائق الاتصالات فقط، توصل زوج يدعي كريم عيد، من محافظة الشرقية، إلى حيلة يمكن من خلالها تخطي أزمة ارتفاع أسعار كروت الشحن، عن طريق الاتفاق على اتباع نظام الرنات، ومع اختلاف عدد الرنات يختلف المقصود، فكتب عقد مكون من 8 بنود:
1- محدش يفتح على التاني بعد كده.
2- لو رنيت مرة واحدة يبقى أنا جاى البيت.
3- لو رنيت مرتين يبقى جبت عشاء.
4- لو رنيت ثلاث مرات يبقى أنا مع أصحابي وهتأخر.
5- لو رنيت أربع مرات يبقى جبت "بامبرز" لـ "آسر".
6- لو رنيت خمس مرات يبقى جبتلك زبادي ولبن.
7- لو رنيت ست مرات يبقى اتعشي أنتي.
8- لو مرنتش خالص يبقى مش معايا فلوس متطلبيش حاجة.
وختم كريم عيد، المواطن الشرقاوي عقد المكالمات الذي تم بينه وبين زوجته بإمضاء منه تحت خانة الطرف الأول وإمضاء زوجته في الطرف الثاني.
تابعوا آخر أهل مصر على Google News
