شاهد.. طالبات إعدادي "بيشربوا سجاير".. ونشطاء: "عليه العوض ومنه العوض"

تداول عدد كبير من مستخدمي موقع التواصل الاجتماعي "فيس بوك"، صورة لطالبات بالزي المدرسي، يدخنون السجائر، في إحدى المناطق الشعبية بالقاهرة.

وعلقت سها محمد، على صورة الطالبات، قائلة: "عليه العوض ومنه العوض في التعليم"، فيما علق محمد الحسيني: "ماله التعليم الحكومي أهم من الكلام ده التربية والبيت مش التعليم، وبعدين فين المدرس اللي لما يشوفه الطالب يحط عنيه في الأرض زي ما اتربينا".

وأضاف الحسيني: "تعليم زمان كان تعليم حكومي وكان الطلاب محترمين.. جايز أنتم عندكم القدرة على الصرف على التعليم الغير حكومي.. ربنا يكرمكم يبقي ما تحملوش التعليم الحكومي هذه المشكلة"، لترد على ذلك التعلق، عزة عبده، قائلة: "ليا تعليق على كلام حضرتك إزاي التعليم ملوش دور طب ليه بنوديهم المدارس بقي".

وتابعت في ردها على محمد الحسيني: "الاتنين بيكملو بعض وللأسف اللي الأباء بيعملوه في البيت.. المدارس بتبوظه وبتهده لأن التربية مش زي بعضها، ولازم الطالب يضر من المحاطين بيه فلو فيه انضباط في المدارس هيساعد أكيد مع الأباء".