أغلقت الحكومة مطعما شهيرا يقدم وجبات مجانية للمواطنين خلال ساعة يوميا، وذلك لعدم وجود تصاريح للمحل، حيث صرحت إدارة المطعم المتواجد في الدقي أن مسئولي حي الدقي قاموا بغلق المطعم ومصادرة كافة المعدات الموجودة بداخله ايضا.
وقالت الصفحة الرسمية للمطعم على موقع التواصل الاجتماعي "فيسبوك" على لسان صاحب المطعم :" 500 شاب أتجمعنا وأجرنا 4 محلات بالدقي وسط البلد روكسي مدينة نصر سلسلة مطاعم كبدة و شاورما، دافعين ملايين إيجارات وتأمين لسنة قدام لبعض المحلات وصرفنا ملايين علي معدات وتوضيب..الفرع الواحد بيبيع ب 50 آلف في اليوم".
وأضاف: "بقالنا سنة بنجري في تراخيص المحلات مش عارفين نرخصهم، إنهاردة الحي قفلنا فرع الدقي الفرع الرئيسي وخد كل المعدات وكل الفروع مش عارفين نفتحها، مش بلوم الحي ولا بلوم حد في البلد، إنتوا كلكم علي راسي من فوق، وأنا اللي ابن كلب مبفهمش في القانون".
وتابع :"بس أنا كاتب البوست ده علشان أسأل المسئولين سؤال، أكمل في بلد تانية زي دبي والكويت وأميريكا ولا ممكن حد من المسئولين يساعدني ويرخصلي الأربع محلات لو حد مهم هيساعدني يبعتلي رسالة لو مفيش حد يساعدني هقفل وأكمل في بلد تانية".
جدير بالذكر أن المطعم يقدم وجبات مجانية لغير القادرين على الدفع لمدة ساعة كل يوم، مما جعل شعبيته تفوق الحدود في المناطق التي يوجد لها فروع فب اكثر من منطقة.
تابعوا آخر أهل مصر على Google News
