يضع يديه على مقود السيارة ويستعين بالله ليبدأ بتجربة السرعة الجديدة ومدى استهلاكها للوقود؛ فعلى الرغم من صغر حجم السيارة إلا أنها تعني الكثير إليه فهى لم تقتصر أبدا على مشروع تخرج بل هى جزء من حياته وحياة فريقه.
مايكل سراج، شاب عشريني خريج جامعة القاهرة كلية الهندسة وأحد الشباب المصممين لسيارة الموفرة للوقود، يقول سراج في حديثه لـ "أهل مصر": "إحنا أول فريق فى مصر وشمال أفريقيا يعمل عربية صناعة مصرية من الألف للياء موفرة للوقود، ويشارك في المسابقة اللي بتنظمها شركة Shell Eco Marathon"، موضحا: أنها "مسابقة عالمية بتتعمل كل سنة على مستوى جامعات العالم وفكرتها هى توفير الوقود بحيث أن العربية اللى بتكسب هى العربية اللى بتمشى أكبر عدد من الكيلومترات بلتر بنزين واحد، ومع مشكلة البنزين وارتفاع أسعاره أصبح واجب علينا الوصول إلى حلول لتوفير الوقود وفي عربية تانية بتتعمل كهرباء بس بحيث تقلل من التلوث خالص".
بحث "مايكل" وفريقه عن سبل النجاح على مر أعوام مضت وما زالوا مستمرين في التجديد، مضيفا أن "فريقنا ابتدا الاشتراك فى المسابقة من 5 سنين وشاركنا في المسابقة من 4 سنين، وسافرنا الفلبين وماليزيا ورفعنا اسم مصر في المسابقة دي، 2016 أخذنا مركز 4 من أصل 140".
واستطرد، "2017 اشتغلنا على نفسنا أكتر وعدلنا شوية حاجات وأخذنا المركز الثالث بعربية حققت رقم 119.8 كم لتر بنزين، والسنادي هنعمل كل اللي علينا بحيث نكون مركز أول أو تاني، مش بس كدا إحنا هنعمل عربيتين وحدة كهرباء عشان نقلل التلوث نهائي وهنخليها تمشي 500 كم Kwatt، والثانية تمشي 350 كملتر بنزين".
ووصل صدى نجاح "مايكل" وفريقه إلى العالمية، ولكنه اعتبر النجاح الحقيقي هو زيارة محلب وتجربته للسيارةـ، مؤكدا: "حققنا المركز الأول فى مسابقة الـ communication على مستوى العالم، وعشان اتعرفنا على مستوى مصر وكان نتيجة ده زيارة رئيس الوزراء السابق إبراهيم محلب لينا فى الكلية وتجربته للعربية".
تابعوا آخر أهل مصر على Google News
