أهل مصر ترصد ردود أفعال الدمايطة على "قانون المرور الجديد "

مازال قانون المرور يمثل الكثير من اللغط والغموض حول الغالبية العظمى من السائقين، فأغلبهم لم يقرؤه أو يسمع به، وبعضهم يثير تخوفات من العقوبات والمخالفات التي قد تنتهي بهم إلى ترك مهنة السائق، كثيرون أعلنوا استياؤهم من عدم طرح القانون وشرحه على السائقين حنى بستوعبوه، والبعض منهم طرح تساؤلات مشروعة ولم يحصلوا على إجابات.

ردود أفعال متابينة بين أهالي دمياط حول قانون المرور الجديد، والذى يبدأ العمل به خلال الأيام المقبلة، فقد شهدت إدارات المرور زحامًا شديدًا لتجديد التراخيص اللازمة للقيادة، بينما كانت هناك فئة أخرى تحاول الإنتهاء من المخالفات التى حررت لها على مدار الأيام السابقة.

هل القانون الجديد هيقطع رقبة السواقين؟ وقع هذا السؤال على مسامعنا أثناء تفقدنا لردود أفعال المواطنين، فيقول محمد أنور سائق، أنا خايف إن القانون الجديد يظلمنا أنا لسى ماعرفتش إيه نظامه، بس الصراحة خايف على أكل عيشى وأتمنى يكون القانون كويس.

مخاوف مشروعة

بينما أكد محمود طه سائق سيرفيس، كل اللى أنا عايزه إن حد يفهمنا القانون ده إيه، عشان ماحدش يضحك علينا، أنا عايز أعرف حقى فين وعليا إيه، إحنا كلنا نازلين ناكل عيش ومش عايزين مشاكل.

وأشار كربم الصردى سائق، ياريت النقابة تنظم دورة تعرفنا فيها بنود القانون لأننا بصراحة خايفين منه وقلقانين كمان، عايزين نعرف إيه اللى لينا وإيه اللى علينا، مضيفًا أنا سألت النهارده وماوصلتش للى أنا عايزه ياريت حد يفهمنا القانون ده.

التخوفات هى السائدة على مشاعر سائقى دمياط، ولكن هناك من كان له رأى آخر فقالت كريمة السيد سيدة أعمال، أنا شايفة ان القانون ده أحسن من اللى فات، على الأقل بيفصل فى العقوبات، مثلًا أنا لو كسرت السرعة الزائدة بـ 20 كيلو بتحاسب زى اللى كسرها بـ 100 كيلو وده ماكنش عدل القانون الجديد بيضمن إن كل واحد بياخد حقه.

وأشار حازم مرجان، أهم شئ فى القانون ده إن المخالفات فورى مابقناش محتاجين نروح النيابة ونفضل شهور من غير رخص أنا شايف ان القانون لحد الأن كويس بس ياريت نتعرف عليه برضه أو حد يفهمنا اليود بتاعته.

اللواء الحفناوي:احذروا الشائعات

تلك كانت ردود أفعال الأهالى حول قانون المرور الجديد وفى سياق متصل أكد اللواء هشام الحفناوى نائب مدير أمن دمياط، أن القانون الجديد لديه العديد من المميزات التى كنا بحاجه لها منذ أزمنة، هذا القانون بضمن استقرار الشارع الأمنى وانتظام حركة السير بشكل أكبر، يمتلك التفرقة بالعقوبات ونظام النقاط الجديد فى مصلحة الجميع.

وأشار "الحفناوى" إلى أن هناك من يقوم بتخويف المواطنين من القانون عن طريق ترويجهم للشائعات، ونحن بصدد عقد عدة ندوات للاعلان عن تفاصيل القانون وتوضيح ما يتضمنه من بنود حتى يعلم الجميع ماله وما عليه.