"مريم" فتاة في العقد الثاني من عمرها تستند على جانب من جوانب محكمة الأسرة في مصر الجديدة.. تنتظر دخولها للقاضي، التقت "أهل مصر" بالفتاة العشرينية التي فضفضت قائلة: "جوزي كل همه على بطنه كل حياته أكل في أكل، أنا أتجوزته من 3 سنين وطول المدة دي مش فاكرة مرة أني قعدت معاه واتكلمنا زي أي أتنين متجوزين.. كل طلباته في الأكل وبس كل كلامه على الفطار والغدا والعشا".
وتابعت "مريم"، "جوزي كل تفكيره في الأكل طلبت منه أكثر من مرة أنه يسبني وأنا اتصرف في أمور البيت، لكنه هو بيتدخل في الصغيرة قبل الكبيرة وكل مرتبة رايح على الأكل وكمان بنستلف آخر الشهر، ده غير الضرب والإهانة لو الأكل مطلعش على هواه، فاض بيا الكيل منه، ورفعت دعوى خلع ضده رقم 5610 لسنة 2017 أحوال شخصية".
ورد "عبد الرحمن" زوج مريم، على ما نسبته إليه، فقال لـ"أهل مصر": "زوجتي بتدعي وبتفتري عليا.. هي طول اليوم تجلس على الفيسبوك وتنسى الأكل لما يتحرق.. حذرتها أكتر من مرة لكن مفيش فايدة.. وهي مهملة في تنظيف شقتها حتى بنظافتها الشخصية كل هدفها تتفرج المسلسلات التركية.. ضربتها أكتر من مرة ومش بتتغير.. وبرغم كدة رفضت أطلقها لحد ما فوجئت بأنها رفعت ضدي قضية خلع".
تابعوا آخر أهل مصر على Google News
